திருமணத்தை நிறுத்திய பிக் பாஸ் பிரபலம், உதயநிதி பட நடிகை

பிரபல பாலிவுட் நடிகை அமீஷா பட்டேலின் தம்பி அஷ்மித் பட்டேல். அவர் பாலிவுட் படங்களில் நடிப்பதுடன் தொலைக்காட்சி நிகழ்ச்சிகளிலும் கலந்து கொள்கிறார். இந்தி பிக் பாஸ் நிகழ்ச்சியின் நான்காவது சீசனில் கலந்து கொண்டு 96 நாட்கள் தாக்குப்பிடித்தார் அஷ்மித். கடந்த 2 ஆண்டுகளாக அவரின் கெரியர் படுத்து தூங்கிக் கொண்டிருக்கிறது.

அஷ்மித் நார்வேயில் பிறந்து பாலிவுட் படங்களில் கவனம் செலுத்தும் மஹெக் சாஹலை காதலித்து வந்தார். மஹெக் உதயநிதி ஸ்டாலினின் கெத்து படத்தில் ஒரு பாடலுக்கு குத்தாட்டம் போட்டிருந்தார். மேலும் இந்தி பிக் பாஸ் நிகழ்ச்சியின் 5வது சீசனில் கலந்து கொண்டவர் மஹெக். அஷ்மித், மஹெக் இருவரும் சேர்ந்து power couple நிகழ்ச்சியில் கலந்து கொண்டனர். காதலர்களாக வலம் வந்த அவர்களுக்கு திருமணம் நிச்சயிக்கப்பட்டது.

கடந்த 2017ம் ஆண்டில் அஷ்மித், மஹெக்கிற்கு நிச்சயதார்த்தம் நடந்தது. 2018ம் ஆண்டு திருமணம் செய்ய முடிவு செய்தார்கள். ஆனால் பிரச்சனை ஏற்படவே திருமணத்தை தள்ளிப் போட்டார்கள். இந்நிலையில் பிரச்சனை முற்றிப் போய் திருமணத்தை நிறுத்திவிட்டார்கள். அஷ்மித், மஹெக் கடந்த சில மாதங்களுக்கு முன்பே பிரிந்துவிட்டார்கள் என்பது குறிப்பிடத்தக்கது.

அஷ்மித்தை பிரிந்துவிட்டதை மஹெக் உறுதி செய்துள்ளார். இது குறித்து அஷ்மித் கூறியதாவது, நீங்கள் கேள்விப்பட்டது உண்மை தான். நாங்கள் ஒன்றாக இல்லை. இது என் தனிப்பட்ட வாழ்க்கை என்பதால் மேலும் எதுவும் கூற விரும்பவில்லை என்றார். அஷ்மித், மஹெக்கிற்கு கடந்த 12 ஆண்டுகளாக பழக்கம். நிச்சயதார்த்தம் நடக்கும் முன்பு 5 ஆண்டுகளாக காதலித்து வந்தனர். ஸ்பெயினில் நிச்சயதார்த்தம் நடந்தது. நிச்சயம் முடிந்து 3 ஆண்டுகளில் பிரிந்துவிட்டனர்.