ஸ்ரீதேவி மகள் பயந்தது போன்றே நடந்துவிட்டது

மறைந்த நடிகை ஸ்ரீதேவி தனது மகள்கள் தன்னை போன்று நடிகையாவதை விரும்பவில்லை. இருப்பினும் ஜான்வி நடிக்க விரும்பியபோது அதை எதிர்க்கவில்லை.

இந்நிலையில் ஸ்ரீதேவியின் இரண்டாவது மகளான குஷி கபூருக்கும் நடிகையாகும் ஆசை ஏற்பட்டுள்ளது. மாடல் ஆகப் போகிறேன் என்று கூறி வந்த குஷி தற்போது படங்களில் நடிக்க விரும்புகிறார். எனவே, அவர் முறைப்படி நடிப்பு குறித்து படிக்க, பயிற்சி பெற அமெரிக்கா கிளம்பியுள்ளார். அமெரிக்காவில் உள்ள நியூயார்க் ஃபிலிம் அகாடமியில் தான் குஷி சேர்ந்துள்ளார்.

இதையடுத்து அவர் மும்பையில் இருந்து கிளம்பியபோது அவரை வழியனுப்ப அப்பா போனி கபூர், தோழிகள் உள்ளிட்டோர் விமான நிலையத்திற்கு வந்திருந்தனர். அப்பொழுது எடுக்கப்பட்ட புகைப்படங்கள் வெளியாகி வைரலாகின. குஷி இரண்டு ஆண்டுகள் அமெரிக்காவில் படிக்க உள்ளார். அதன் பின்னர் நாடு திரும்பிய பிறகு கெரியர் குறித்து முடிவு எடுப்பாராம். ஜான்வியும் அமெரிக்காவுக்கு சென்று தான் நடிப்பு குறித்து படித்தார். இந்நிலையில் அக்கா வழியில் தங்கையும் அமெரிக்கா சென்றுள்ளார்.

முன்னதாக குஷி குறித்து அக்கா ஜான்வி கூறியதாவது,

குஷி அப்பா செல்லம். குஷி இல்லாமல் அப்பாவால் இருக்கவே முடியாது. இந்நிலையில் குஷி அமெரிக்காவுக்கு சென்று படிக்கப் போகிறாள். அவள் கிளம்பிவிட்டால் அப்பா அவளை நினைத்து, நினைத்து அழுவார். அது தான் எனக்கு பயமாக உள்ளது என்றார்.

இந்நிலையில் ஜான்வி பயந்தது போன்றே நடந்துவிட்டது. விமான நிலையத்திலேயே போனி கபூர் எமோஷனலாகிவிட்டார். முன்பு குண்டாக இருந்த குஷி நடிகையாகும் ஆசை வந்த பிறகு தனது உடல் எடையை வெகுவாக குறைத்து ஒல்லியாகிவிட்டார். அவர் ஒல்லியானதை பார்த்தவர்கள், அப்படி இருந்த குஷியா இப்படி ஆகிவிட்டார் என்று வியந்தார்கள்.

ஜான்வியை போன்றே குஷியையும் பிரபல பாலிவுட் இயக்குநர் கரண் ஜோஹார் தான் அறிமுகம் செய்து வைப்பார் என்று எதிர்பார்க்கப்படுகிறது.