நல்ல வேளை எனக்கு அப்படி நடக்கல: தீபிகா படுகோன்

தீபிகா படுகோனும், பாலிவுட் நடிகர் ரன்வீர் சிங்கும் காதலித்து திருமணம் செய்து கொண்டனர். மும்பையில் வசிக்கும் இருவரும் அவரவர் படங்களில் பிசியாக இருக்கிறார்கள்.

இந்நிலையில் லாக்டவுன் நேரத்தில் கணவருடன் மாதக் கணக்கில் வீட்டில் இருந்தது குறித்து தீபிகா பேட்டி அளித்துள்ளார். அந்த பேட்டியில் தீபிகா கூறியிருப்பதாவது,

கோவிட் 19 லாக்டவுனால் பலரின் வாழ்க்கை பாதிக்கப்பட்டுள்ளது. ஆனால் லாக்டவுன் ஒரு வகையில் எனக்கு நல்லதாகிவிட்டது. திருமணத்திற்கு பிறகு என் கணவருடன் அதிக நேரம் செலவிட முடிந்தது.

லாக்டவுன் பலரின் வாழ்வில் கடினமான நேரமாகிவிட்டது. இந்த ஆண்டை நினைத்துப் பார்க்கும் போது நன்றியுள்ளவளாக இருக்கிறேன். வீட்டில் கணவருடன் இருந்தது மட்டும் இல்லை, பாதுகாப்பாக இருந்ததும் ஆசிர்வாதம் தான். நான் ஒரு இடத்திலும், ரன்வீர் ஒரு இடத்திலும் சிக்கிக் கொள்ளாமல் இருந்ததற்காக கடவுளுக்கு நன்றி சொல்கிறேன். பலர் அப்படி சிக்கித் தவித்துள்ளனர்.

வீட்டில் இருந்த நேரத்தில் சமூக வலைதளங்கள் மூலம் ரசிகர்களுடன் பேசவும் முடிந்தது என்றார்.

முன்னாள் கிரிக்கெட் வீரர் கபில் தேவின் வாழ்க்கை வரலாற்று படமான 83-ஐ தயாரித்து நடித்துள்ளார் தீபிகா. அந்த படத்தில் கபில் தேவாக ரன்வீர் சிங்கும், அவரின் மனைவியாக தீபிகாவும் நடித்துள்ளனர். சித்தார்த் ஆனந்த் இயக்கத்தில் ஷாருக்கான் நடித்து வரும் பதான் படத்தில் அவருக்கு ஜோடியாக நடிக்கிறார் தீபிகா.

அந்த படத்தில் நடிக்க தீபிகாவுக்கு ரூ. 15 கோடி சம்பளம் பேசப்பட்டுள்ளதாம். தீபிகா தான் நடிக்க வேண்டும் என்று ஷாருக்கானும், படத்தை எடுப்பவர்களும் விரும்பினார்களாம். ஷாருக்கானுக்கு ராசியான ஜோடி தீபிகா என்று பாலிவுட்டில் நம்பப்படுகிறது. இரண்டு ஆண்டுகள் பிரேக்கிற்கு பிறகு ஷாருக்கான் மீண்டும் படத்தில் நடிக்கிறார்.

Thalapathy 65 விஜய்க்கு பாலிவுட்டில் இருந்து வரும் ஹீரோயின், வில்லன்?

ஷகுன் பத்ரா இயக்கத்திலும் தீபிகா நடித்து வருகிறார். அந்த படத்தில் அனன்யா பாண்டே, சித்தாந்த் சதுர்வேதி ஆகியோர் முக்கிய கதாபாத்திரங்களில் நடிக்கிறார்கள். இந்நிலையில் தளபதி 65 படத்தில் விஜய்க்கு ஜோடியாக தீபிகா படுகோனை நடிக்க வைக்க முயற்சி நடந்து வருவதாக கூறப்படுகிறது.