இயக்குநர் முத்தம் கேட்டார், மற்றொருவர் படுக்கைக்கு அழைத்தார்: நடிகை பகீர்

சல்மான் கானின் வீர் படம் மூலம் நடிகையானவர் ஜரீன் கான். பாலிவுட்டில் வளர்ந்து வரும் நடிகையாக உள்ளார். இந்நிலையில் அவர் பாலிவுட்டில் தனக்கு ஏற்பட்ட பிரச்சனை குறித்து பேட்டி ஒன்றில் மனம் திறந்து கூறியுள்ளார்.

அந்த பேட்டியில் அவர் கூறியதாவது,

நான் நடிக்க வந்த புதிதில் இயக்குநர் ஒருவர் முத்தக் காட்சியில் நடிக்க ஒத்திகை பார்க்க வேண்டும் என்று கூறினார். அதாவது நான் அந்த இயக்குநருக்கு முத்தம் கொடுத்து ஒத்திகை பார்க்க வேண்டும் என்றார். உங்களிடம் இருக்கும் தயக்கத்தை போக்கவே இந்த ஒத்திகை என்றார் அவர்.

அவர் கூறியதை கேட்ட நானோ முத்தக் காட்சிக்கு ஒத்திகை செய்ய முடியவே முடியாது என்று கூறிவிட்டேன். இந்நிலையில் மற்றொரு நபரோ நீங்கள் என்னுடன் நட்பையும் தாண்டி பழகினால் உங்களுக்கு பட வாய்ப்புகள் கிடைப்பதற்கு நான் பொறுப்பு என்றார்.

எனக்கு சுய மரியாதை தான் முக்கியம் என்பதால் அந்த நபரின் கோரிக்கையை ஏற்க மறுத்துவிட்டேன். அந்த நபரின் நிபந்தனைகளை ஏற்றாலும் அவர் உதவி செய்வார் என்பது என்ன நிச்சயம்.

என்னை நடிகை கத்ரீனா கைஃபுடன் அடிக்கடி ஒப்பிடுகிறார்கள். நான் பார்க்க அவரை போன்றே இருப்பதாக கூறுகிறார்கள். அது ஒரு மாதிரியாக உள்ளது என்றார்.

ஜரீன் கான் நடிக்க வரும் முன்பு குண்டாக இருந்தார். அதன் பிறகே அவர் தனது உடல் எடையை 50 கிலோவுக்கும் மேல் குறைத்து ஒல்லியானார். அண்மையில் அவர் தனது வயிறு தெரியும்படி புகைப்படம் ஒன்றை சமூக வலைதளத்தில் வெளியிட்டிருந்தார். அதை பார்த்த நெட்டிசன்களோ இது என்ன வயிற்றில் கோடு, கோடாக உள்ளது என்று கிண்டல் செய்தார்கள். குண்டாக இருந்து ஒல்லியானால் இப்படித் தான் இருக்கும், அதை நான் மறைக்க விரும்பவில்லை என்று பெருமையாக கூறினார் ஜரீன் கான் என்பது குறிப்பிடத்தக்கது.