ஆபாச படம் பார்க்க புர்கா அணிந்து தியேட்டருக்கு சென்ற நடிகர்

பாலிவுட்டில் பிரபலமான நடிகர்களில் ஒருவர் சங்கி பாண்டே. அவரின் மகள் அனன்யா ஹீரோயினாக நடித்துக் கொண்டிருக்கிறார். தன் கெரியர் மற்றும் தியேட்டர்களில் படம் பார்ப்பது குறித்து சங்கி பாண்டே பேட்டி அளித்துள்ளார்.

அந்த பேட்டியில் அவர் கூறியிருப்பதாவது,

எனக்கு தியேட்டர்களுக்கு செல்வது மிகவும் பிடிக்கும். பாப்கார்ன், சமோசா பிடிக்கும். தியேட்டரில் அமர்ந்து படத்தை பார்த்து சிரித்து, அழுது, விசில் அடித்து, கை தட்டி என்ஜாய் பண்ணுவது பிடிக்கும். நான் முதலில் ரசிகன், அதன் பிறகே நடிகன்.

என் முதல் பட ப்ரீமியர் ஷோவில் நான் படத்தை பார்ப்பதை விட்டுவிட்டு அங்கு அமர்ந்திருந்தவர்களின் ரியாக்ஷன்களை தான் பார்த்துக் கொண்டிருந்தேன். என் படங்களை தியேட்டரில் பார்க்கும்போது என்ஜாய் பண்ண மாட்டேன். தியேட்டர்கள் மீண்டும் திறக்கப்பட்டதும் முதல் ஆளாக சென்று படம் பார்க்க காத்துக் கொண்டிருக்கிறேன்.

சிறுவனாக இருந்தபோது டிவி இல்லை. அதனால் தியேட்டருக்கு சென்று தான் படம் பார்ப்போம். நான் தியேட்டரில் ரொம்ப ரசித்துப் பார்த்த படம் ஷோலே. படம் வெளியான இரண்டாவது நாள் மினர்வா தியேட்டரில் அதுவும் அடுத்தடுத்து இரண்டு காட்சிகள் பார்த்தேன். படத்தை பார்த்துவிட்டு வெளியே வந்தேன். பிளாக்கில் டிக்கெட் வாங்கிவிட்டு மீண்டும் சென்று பார்த்தேன். டான் படத்தை தியேட்டரில் பார்த்தேன். அமிதாப் படங்களை நான் தியேட்டர்களில் பார்த்தேன்.

எனக்கு ராஜேஷ் கன்னா மிகவும் பிடிக்கும். ஹாதி மேரே சாத்தி படத்தை நான் 20 முறை பார்த்தேன். நான் நடித்த கத்ரோன் கி கிலாடி படத்தை தியேட்டரில் பார்த்தேன். அந்த படத்தில் எங்கள் தந்தையான தரம்ஜி என்னையும், சஞ்சய் தத்தையும் அடிப்பார். அப்பொழுது தியேட்டரில் படம் பார்த்துக் கொண்டிருந்த ஒருவரோ, அரே தரம்ஜி, சங்கி பாண்டேவை இன்னும் நல்லா அடிங்க என்றார். அந்த நபரை அடிக்கத் தோன்றினாலும், அதுவும் நல்ல அனுபவம்.

ஒரு முறை நான் பள்ளிக்கு செல்லாமல் படம் பார்க்க தியேட்டருக்கு சென்றேன். இடைவேளையின்போது ஸ்கிரீனில், மாஸ்டர் சங்கி பாண்டே, நீங்கள் தியேட்டரில் இருந்தால் வெளியே வரவும். உங்கள் அம்மா காத்துக் கொண்டிருக்கிறார் என்று வந்தது. என்டர் தி டிரேகன் என்கிற அடல்ட் படத்தை பார்க்க நான் புர்கா அணிந்து தியேட்டருக்கு சென்றேன். அப்பொழுது எனக்கு 10 அல்லது 13 வயது தான் இருக்கும்.

படத்தை ஓடிடியில், டிவியில் பார்க்கலாம். ஆனால் அது நினைவில் இருக்காது. தியேட்டரில் படத்தை பார்த்தால் நான் ஞாபகத்தில் இருக்கும். தியேட்டர்களுக்காகத் தான் படம் எடுக்கப்படுகிறது என்றார்.

ஜிப்பை கழற்றி, வலுக்கட்டாயமாக உறவு கொள்ள முயன்றார்: நயன் வில்லன் மீது நடிகை புகார்