அந்த ஹீரோவுடன் ஓடிப் போயிடுவேன்: பெற்றோரை மிரட்டிய வாரிசு நடிகை

பிரபல பாலிவுட் நடிகை கரீனா கபூர் நடிகர் சயிப் அலி கானை காதலித்து கடந்த 2012ம் ஆண்டு அக்டோபர் மாதம் 16ம் தேதி திருமணம் செய்து கொண்டார். அவர்களுக்கு தைரமூர் அலி கான் என்கிற மகன் இருக்கிறார். கரீனா தற்போது இரண்டாவது முறையாக கர்ப்பமாக இருக்கிறார்.

இன்று திருமண நாள் கொண்டாடும் கரீனா, சயிப் அலி கானுக்கு திரையுலகினரும், ரசிகர்களும் சமூக வலைதளங்களில் வாழ்த்து தெரிவித்துள்ளனர். இந்நிலையில் திருமணத்தின்போது கரீனா தன் பெற்றோரை மிரட்டியது குறித்து தற்போது பேசப்படுகிறது.
கரீனா தன் காதலை வீட்டில் சொன்னபோது அவர்கள் எதிர்க்கவில்லை. மாறாக கரீனா, சயிபின் திருமணத்தை பிரமாண்டமாக நடத்த பெற்றோர் முடிவு செய்தார்கள். ஆனால் கரீனாவுக்கோ, மீடியா வெளிச்சம் இல்லாமல் சிம்பிளாக திருமணம் செய்து கொள்ள ஆசையாம். கரீனாவின் ஆசையை பெற்றோர் ஏற்காமல் அவரின் மனதை மாற்ற முயற்சி செய்தார்கள்.

நான் சொல்லச் சொல்ல கேட்காமல் என் திருமணத்தை பிரமாண்டமாக நடத்த முடிவு செய்தால், சயிப் அலி கானை கூட்டிக் கொண்டு லண்டனுக்கு ஓடிப் போய் தாலி கட்டிக் கொள்வேன் என்று மிரட்டினாராம் கரீனா. சொன்னதை செய்துவிடுவார் என்று நினைத்து அவரின் பெற்றோரும் திருமணத்தை எளிமையாக நடத்தினார்களாம்.

கர்ப்பிணியான கரீனா, ஆமீர் கானின் லால் சிங் சட்டா படப்பிடிப்பில் கலந்து கொண்டார். அவர் தொடர்பான காட்சிகள் படமாக்கி முடிக்கப்பட்ட பிறகு ஆமீர் கானுடன் சேர்ந்து எடுத்த புகைப்படத்தை சமூக வலைதளத்தில் வெளியிட்டுள்ளார்.

கரீனா கபூர் சயிப் அலி கானின் இரண்டாவது மனைவி ஆவார். சயிப் அலி கான் முன்னதாக நடிகை அம்ரிதா சிங்கை திருமணம் செய்தார். அவர்களுக்கு சாரா அலி கான் என்கிற மகளும், இப்ராஹிம் என்கிற மகனும் இருக்கிறார்கள். அம்ரிதாவை பிரிந்த பிறகே சயிப் அலி கான் கரீனாவை திருமணம் செய்து கொண்டார்.

சாராவும், இப்ராஹிம் அலி கானும் சித்தி கரீனா கபூரை ஏற்றுக் கொண்டார்கள். குண்டாக இருந்த சாரா தன் உடல் எடையை வெகுவாக குறைத்து நடிகையானதற்கு கரீனா கபூர் தான் காரணம் என்று கூறப்படுகிறது.

கொரோனாவுக்கு பலே அர்த்தம் சொன்ன ஐஸ்வர்யா ராய் மகள்