இந்த ஹீரோ, நண்பர்களுடன் ஹோட்டலுக்கு சென்றால் யார் பில் கட்டுவார்கள் தெரியுமா?

பிரபல பாலிவுட் நடிகர் ஷாருக்கான் சமூக வலைதளத்தில் ரசிகர்கள் கேட்ட கேள்விகளுக்கு பதில் அளித்தார். அப்பொழுது ரசிகர் ஒருவர், நீங்கள் பிரபலமில்லாத உங்களின் நண்பர்களுடன் டின்னருக்கு சென்றால் பில் தொகையை பிரித்து கட்டுவீர்களா இல்லை நீங்களே மொத்த தொகையையும் கொடுத்துவிடுவீர்களா என்று கேட்டார்.

அதற்கு ஷாருக்கானோ, பிரபலமோ இல்லையோ அவர்கள் தான் பில்லை கட்டுவார்கள். நான் பணமே எடுத்துச் செல்ல மாட்டேன் என்றார்.

ஆனந்த் எல் ராய் இயக்கத்தில் ஷாருக்கான் நடித்த ஜீரோ படம் கடந்த 2018ம் ஆண்டு ரிலீஸாகி படுதோல்வி அடைந்தது. அதில் இருந்து ஷாருக்கான் புதுப்படங்களில் நடிக்க ஒப்புக் கொள்ளாமல் இருந்தார். தற்போது தான் பட வாய்ப்புகளை ஏற்கிறார்.

இந்நிலையில் அவரை மீண்டும் பெரிய திரையில் பார்க்க ஆசையாக இருப்பதாக ரசிகர்கள் தெரிவித்தார்கள். அதற்கு அவர் கூறியதாவது, விரைவில் படப்பிடிப்பை துவங்குவோம் என்றார்.

ஷாருக்கானின் கொல்கத்தா நைட் ரைடர்ஸ் அணி ஐபிஎல் போட்டிகளில் விளையாடி வருவதால் அவர் தற்போது துபாயில் இருக்கிறார். ஷாருக்கானுடன் அவரின் குழந்தைகளும் துபாயில் தான் தங்கியுள்ளனர். ஷாருக்கான் அட்லீ இயக்கத்தில் ஒரு படத்தில் நடிக்கவிருக்கிறார்.

சூப்பர் ஸ்டாருக்காக தங்கப் பதக்கம் கதையை சுட்டுட்டார் அட்லீ: சினிமா ரசிகர்கள்

அந்த படத்தில் ஷாருக்கான் அப்பா, மகன் என்று இரண்டு வேடங்களில் நடிக்கவிருக்கிறாராம். அப்பா ஒரு RAW அதிகாரியாம், மகன் திருடனாம். நேர்மையான அப்பா தன் மகனை பிடித்து தண்டனை வாங்கிக் கொடுக்கிறாராம். இந்த கதையை கேட்ட தமிழ் ரசிகர்களோ, சிவாஜி கணேசனின் தங்கப் பதக்கம் கதையை தான் ஷாருக்கானுக்காக படம் பண்ணப் போகிறார் அட்லீ என்று தெரிவித்துள்ளனர்.

ஷாருக்கான் படம் மூலம் அட்லீ பாலிவுட்டில் அறிமுகமாகவிருக்கிறார். அந்த படத்தை இயக்க அவருக்கு ரூ. 43 கோடி சம்பளம் பேசப்பட்டிருக்கிறதாம்.

ஷாருக்கானும், அவரின் மனைவி கௌரியும் கடந்த 25ம் தேதி தங்களின் 29வது திருமண நாளை கொண்டாடினார்கள். அதற்கு கௌரிக்கு என்ன பரிசு கொடுத்தீர்கள் என்று ரசிகர்கள் ஷாருக்கானிடம் கேட்டார்கள். அதற்கு அவரோ, என் வாழ்க்கையின் மிகப் பெரிய பரிசான என் மனைவிக்கு என்ன பரிசு கொடுப்பது என்றார்.