தீபிகா படுகோன் மது வாங்கியதாக இணையத்தில் பரவும் வீடியோ! உண்மை இதுதான்

நடிகர் நடிகைகள் கொரோனா லாக்டவுன் காரணமாக வீட்டிலேயே இருக்கின்றனர். ஊரடங்கு விதிமுறைகள் சற்று தளர்த்தப்பட்டு தற்போது மக்கள் ஓரளவு வெளியில் வர துவங்கியுள்ளனர்.

மேலும் சில தினங்கள் முன்பு மதுக்கடைகள் திறக்கப்பட்டதால் அங்கு மக்கள் கூட்டம் அலைமோதுகிறது. இந்நிலையில் தற்போது பாலிவுட் நடிகை தீபிகா படுகோன் மதுக்கடைக்கு சென்று மது வாங்கி வந்தார் என சமூக வலைத்தளங்களில் சிலர் ஒரு வீடியோவை பதிவிட்டு வருகின்றனர்.

வாட்ஸப்பிலும் அந்த வீடியோ அதிகம் பகிரப்பட்டு வருகிறது. ஆனால் அந்த வீடியோவில் இருப்பது தீபிகா படுகோன் அல்ல.

நடிகை ராகுல் ப்ரீத் தான் அது. அவரது வீடியோவை எடுத்து தீபிகா படுகோன் என குறிப்பிட்டு போலியாக இணையத்தில் பரவ விட்டுள்ளனர்.


உண்மை இதுதான்..

ராகுல் ப்ரீத் தான் மருந்து கடைக்கு சென்று திரும்பியபோது எடுக்கப்பட்ட வீடியோ அது என நேற்றே விளக்கம் கொடுத்திருந்தார். பாலிவுட் விமர்சகர் KRK அந்த வீடியோவை ட்விட்டரில் "ராகுல் ப்ரீத் மது வாங்கினாரா?' என குறிப்பிட்டு பதிவிட்டிருந்தார். அதற்கு ராகுல் ட்விட்டரில் பதிலடி கொடுத்திருந்தார் என்பது குறிப்பிடத்தக்கது.