அந்த நடிகையை பிரிந்தது ஏன்?: காரணம் சொன்ன நயன் பட நடிகர்

தகிட தகிட தெலுங்கு படம் மூலம் நடிகர் ஆனவர் ஹர்ஷ்வர்தன் ரானே. நயன்தாராவின் அனாமிகா படத்தில் நடித்தவர். அவர் பாலிவுட் நடிகை கிம் ஷர்மாவை காதலித்து வந்தார். அதன் பிறகு அவர்கள் பிரிந்துவிட்டனர். காதல் முறிவு குறித்து ஹர்ஷ்வர்தன் இத்தனை மாதங்களாக அமைதியாக இருந்து வந்தார்.

இந்நிலையில் பேட்டி ஒன்றில் ஹர்ஷ்வர்தன் கிம் ஷர்மாவுடனான காதல் முறிவு குறித்து பேசியுள்ளார். அந்த பேட்டியில் ஹர்ஷ்வர்தன் கூறியதாவது,

நான் கிம் ஷர்மாவை காதலித்தேன். இந்த உலகில் மிகவும் ஜாலியான நபர் அவர் தான். அவருடன் இருந்த நாட்கள் தான் என் வாழ்வில் சிறந்த நாட்கள் ஆகும். எல்லாம் ஒரு காரணத்திற்காகத் தான் நடக்கிறது. இந்த காதல் முறிவும் அப்படித் தான். இதற்கும் ஒரு காரணம் இருக்கிறது.

என் டிஎன்ஏ கோளாறு தான் காதல் முறிவுக்கு காரணம் என்றார்.

காதல் முறிவுக்கு என்ன காரணம் என்பதை ஹர்ஷ்வர்தன் தெளிவாக கூறவில்லை. முன்னதாக கிம், ஹர்ஷ்வர்தன் காதல் முறிவு குறித்து அவர்கள் தரப்பில் வெளியிடப்பட்ட அறிக்கையில் கூறப்பட்டிருந்ததாவது, ஆம், கிம் மற்றும் ஹர்ஷ்வர்தன் பிரிந்துவிட்டார்கள் என்று தெரிவிக்கப்பட்டது.

கிம்மை காதலித்தபோது அவருடன் சேர்ந்து எடுத்த புகைப்படங்களை ஹர்ஷ்வர்தன் சமூக வலைதளத்தில் வெளியிட்டு வந்தார். அவரை பிரந்த பிறகு அந்த புகைப்படங்களை எல்லாம் ஹர்ஷ்வர்தன் நீக்கிவிட்டார்.

ஹர்ஷ்வர்தனை காதலிப்பதற்கு முன்பு கிம் அலி பஞ்சானி என்கிற தொழில் அதிபரை காதலித்து திருமணம் செய்து கொண்டார். திருமணத்திற்கு பிறகு கிம் கணவருடன் வெளிநாட்டில் தங்கியிருந்தார். கணவருடன் பிரச்சனை ஏற்படவே அவரை பிரிந்து நாடு திரும்பினார்.

பிகினி போட்டோ வெளியிட்ட முன்னாள் காதலி: பொசுக்குனு அசிங்கப்படுத்திய யுவராஜ் சிங்

கிம் தற்போது மும்பையில் வசித்து வருகிறார். அலிக்கு முன்பாக கிம், கிரிக்கெட் வீரர் யுவராஜ் சிங் காதலித்தார். யுவராஜை பிரிந்துவிட்டாலும் தற்போது அவருடன் நட்பாக பழகி வருகிறார். அண்மையில் கூட கிம் தன் பிகினி புகைப்படத்தை இன்ஸ்டாகிராமில் வெளியிட யுவராஜ் கிண்டல் செய்து கமெண்ட் போட்டிருந்தார் என்பது குறிப்பிடத்தக்கது.