லாக்டவுனால் பாதிக்கப்பட்டவர்களுக்கு மாவு பாக்கெட்டில் ரூ. 15 ஆயிரம் ரொக்கம் வைத்துக் கொடுத்தாரா பிரபல நடிகர்?

கொரோனா வைரஸ் பரவுவதை தடுக்க ஊரடங்கு உத்தரவு அமலில் இருப்பதால் அன்றாடம் உழைத்தால் தான் சாப்பாடு என்று இருப்பவர்களின் நிலை ரொம்ப மோசமாக உள்ளது. இந்நிலையில் பாலிவுட் நடிகர் ஆமீர் கான் டெல்லியில் கஷ்டப்படுபவர்களுக்கு கோதுமை மாவு பாக்கெட்டில் ரூ. 15 ஆயிரம் பணம் வைத்துக் கொடுத்ததாகக் கூறி வீடியோ ஒன்று வலம் வந்து கொண்டிருக்கிறது.

அந்த வீடியோவில் கூறியிருப்பதாவது,

கடந்த 23ம் தேதி டிரக் ஒன்று டெல்லியில் ஏழை மக்கள் வசிக்கும் பகுதிக்கு வந்தது. அந்த வாகனத்தில் தலா ஒரு கிலோ எடையுள்ள கோதுமை மாவு பாக்கெட்டுகள் இருந்தது. மக்களை ஆளுக்கு ஒரு பாக்கெட் பெற்றுக் கொள்ளுமாறு கூற ஆமாம், இந்த ஒத்த பாக்கெட்டை வச்சு என்ன செய்வது என்று பலர் வரவில்லை.
இருப்பினும் அந்த ஒரு பாக்கெட்டாவது கிடைக்காதா என்று ஏங்கியவர்கள் அதை வாங்கிச் சென்றார்கள். வீட்டிற்கு சென்று பாக்கெட்டை பிரித்துப் பார்த்தால் அதற்குள் ரூ. 15 ஆயிரம் ரொக்கம் இருந்தது. பணத்தை பார்த்த அந்த மக்கள் மகிழ்ச்சி அடைந்து ஆமீர் கானை வாழ்த்தினார்கள் என்று தெரிவிக்கப்பட்டுள்ளது.

எனினும் இந்த வீடியோ குறித்து ஆமீர் கான் தரப்பில் இதுவரை எதுவும் சொல்லவில்லை. மற்றவர்களுக்கு செய்யும் உதவியை வெளியே சொல்லும் பழக்கம் இல்லாதவர் ஆமீர் கான் என்பது குறிப்பிடத்தக்கது.

தேனிலவில் மனைவியிடம் பொய் சொல்லி ஏமாற்றிய சூப்பர் ஸ்டார்