7 மருத்துவமனைகளுக்கு சென்ற பிக் பாஸ் பிரபலம்: வாசலோடு திருப்பி அனுப்பப்பட்ட பரிதாபம்

டிவி நடிகையும், டிவி நிகழ்ச்சி தொகுப்பாளினியுமான சம்பாவ்னா சேத் பாலிவுட் படங்களில் ஐட்டம் டான்ஸ் ஆடியுள்ளார். இந்தி பிக் பாஸ் நிகழ்ச்சியின் 2வது சீசனில் அவர் கலந்து கொண்டார். சம்பாவ்னாவுக்கு உடல்நலக்குறைவு ஏற்பட்டு மருத்துமனையில் அனுமதிக்கப்பட்டதாக செய்திகள் வெளியாகின.

இது குறித்து சம்பாவ்னா டைம்ஸ் ஆஃப் இந்தியாவிடம் கூறியதாவது,

எனக்கு பல ஆண்டுகளாக ஜலதோஷம், இருமல் பிரச்சனை உள்ளது. ஒவ்வொரு ஆண்டும் இந்த பிரச்சனை ஏற்பட்டு சரியாக 20 நாட்கள் ஆகும். கடந்த மாதம் ஜலதோசம் ஏற்பட்டதுடன் இருமலும் வந்தது. அதனால் மருந்து மாத்திரை சாப்பிட்டு வந்தேன். இது குறித்து நான் சில நண்பர்களை தவிர வேறு யாரிடமும் கூறவில்லை.

சொன்னால் எனக்கு கொரோனா வைரஸ் பாதிப்பு இருக்கிறது என்று நினைத்துவிடுவார்களோ என பயந்தேன். ஞாயிற்றுக்கிழமை மாலை என் உடல்நலம் மோசமானது. எனக்கு பார்வை மங்கியது. மேலும் anxiety attack ஏற்பட்டது. என் கணவர் அவினாஷ் திவேதி என் ரத்த அழுத்தத்தை சோதனை செய்தபோது மிகவும் குறைவாக இருந்தது.

அதன் பிறகு எனக்கு மயக்கமாக வந்ததுடன் இடது காதில் தாங்க முடியாத வலி ஏற்பட்டது. திங்கட்கிழமை அதிகாலை 4 மணி அளவில் காது வலியை தாங்க முடியவில்லை. இதையடுத்து மருத்துவமனைக்கு சென்றேன். ஆனால் எந்த மருத்துவமனையிலும் என்னை அனுமதிக்க மறுத்துவிட்டனர்.

7 மருத்துவமனைகளுக்கு சென்றோம். வாசலோடு திருப்பி அனுப்பிவிட்டனர். எனக்க கோவிட் 19 என நினைத்து பயந்துவிட்டார்கள் போன்று. இறுதியில் ஒரு மருத்துவமனையில் என்னை சோதனை செய்துவிட்டு இஎன்டி மருத்துவரை பார்க்குமாறு கூறினார்கள். ஆனால் அந்த மருத்துவர் அப்பொழுது அங்கு இல்லாததால் வீடு திரும்பினோம்.

வீட்டிற்கு வந்து தூங்கியபோது மீண்டும் வலி வந்தது. நான் இறந்துவிடுவேன் என்று நினைத்தேன். ஒரு வழியாக செவ்வாய்க்கிழமை காலை தான் மருத்துவரை பார்த்து சிகிச்சை பெற்றேன். காதில் ஏற்பட்ட தொற்று காரணமாகவே அந்த வலி ஏற்பட்டது என்றார்.

என் அந்த ஆசை இனி நிறைவேறாதே: பிகில் பட நடிகர் வேதனை