இலியானா
நல்ல அழகும், நடிப்புத் திறமையும் உள்ள இலியானா தற்போது பாலிவுட் படங்களில் கவனம் செலுத்தி வருகிறார். இந்நிலையில் தான் கர்ப்பமாக இருப்பதாக ஏப்ரல் 18ம் தேதி இன்ஸ்டாகிராமில் அறிவிப்பு வெளியிட்டார். குழந்தையின் உடை மற்றும் அம்மா என்கிற டாலரை புகைப்படம் எடுத்து வெளியிட்டு தன் மகிழ்ச்சியை ரசிகர்களுடன் பகிர்ந்து கொண்டார். அவரின் போஸ்ட்டை பார்த்த பிரபலங்களும், ரசிகர்களும் வாழ்த்து தெரிவித்தனர்.
Ileana: கர்ப்பமாக இருக்கிறேன்: குட் நியூஸ் சொன்ன இலியானாவுக்கு குவியும் வாழ்த்து
ரசிகர்கள்
இலியானாவுக்கு திருமணமாகவில்லை என்பதால் அந்த குழந்தையின் தந்தை யார் என்று கேட்டு சமூக வலைதளவாசிகள் மோசமாக பேசி வருகிறார்கள். இலியானாவின் கேரக்டரை பற்றி கமெண்ட் அடிக்கிறார்கள். இதை பார்த்த இலியானாவின் ரசிகர்கள் கோபம் அடைந்து மோசமாக பேசுவர்களுக்கு பதில் அளித்துக் கொண்டிருக்கிறார்கள்.
தந்தை
இலியானாவின் ரசிகர்கள் கூறியிருப்பதாவது, குழந்தையின் தந்தை யார் என்று கேட்க யாருக்கும் உரிமை இல்லை. இலியானாவை நிம்மதியாக இருக்க விடுங்கள். குழந்தை நல்லபடியாக பிறக்க பிரார்த்தனை செய்யுங்கள். ஒரு ஆண் திருமணமாகாமல் குழந்தைக்கு அப்பாவானால் வாழ்த்தும் சமூகம் பெண்ணை மட்டும் குறை சொல்கிறது. கரண் ஜோஹர், துஷார் கபூர் ஆகியோர் தந்தையான போது யாரும் குழந்தையின் அம்மா பற்றி கேட்வில்லையே என தெரிவித்துள்ளனர்.
காதல்
இலியானாவும், பாலிவுட் நடிகை கத்ரீனா கைஃபின் சகோதரர் செபாஸ்டியனும் காதலிப்பதாக பேச்சு கிளம்பியது. கத்ரீனா தன் குடும்பத்துடன் மாலத்தீவுகளுக்கு சென்றபோது இலியானாவும் உடன் சென்றார். அப்பொழுது எடுக்கப்பட்ட புகைப்படங்கள் சமூக வலைதளங்களில் வெளியாகின. கத்ரீனா குடும்பத்துடன் இலியானாவை பார்த்த ரசிகர்கள் சந்தோஷப்பட்டார்கள்.
மகிழ்ச்சி
இலியானா பொதுவாக தன் தனிப்பட்ட வாழ்க்கை பற்றி சமூக வலைதளத்தில் பேசும் ஆள் இல்லை. அப்படி இருக்கும்போது தான் கர்ப்பமாக இருப்பதை அறிவித்ததே வியப்பாக இருக்கிறது. ஒரு தாய் சந்தோஷத்தில் செய்த காரியத்தை பார்த்து வாழ்த்த மனமில்லாவிட்டாலும் அவரை பற்றி மோசமாக பேச வேண்டாம். கர்ப்ப காலத்தில் இலியானாவின் மனம் நோகாமல் இருந்தால் போதும் என ரசிகர்கள் மேலும் கூறியிருக்கிறார்கள்.
கெரியர்
கெரியரை பொறுத்தவரை Unfair and lovely எனும் இந்தி படத்தில் நடித்து முடித்திருக்கிறார் இலியானா. 9வது மாதம் வரை அவர் வேலை செய்வார் என எதிர்பார்க்கப்படுகிறது. பாலிவுட் நடிகைகள் கர்ப்ப காலத்திலும் அழகாக வேலை செய்து வருகிறார்கள். அதனால் இலியானாவும் வேலை பார்ப்பார் என்று நம்பப்படுகிறது.
Ileana: திருமணத்திற்கு முன்பு கர்ப்பத்தை அறிவித்த நடிகைகள்