அப்பாவின் ஃபிட்னஸ் கோச்சை காதலிக்கும் பிரபல நடிகரின் மகள்

பிரபல பாலிவுட் நடிகர் ஆமீர் கானின் மகள் ஐரா தன் காதல் வாழ்க்கையை மறைத்து வைக்கும் ஆள் இல்லை. அவர் மிஷால் க்ரிபாலினி என்பவரை காதலித்து வந்தார். மிஷாலை காதலிக்கத் துவங்கியதில் இருந்தே அவருடன் சேர்ந்து எடுக்கும் புகைப்படங்கள் மட்டும் வீடியோக்களை இன்ஸ்டாகிராமில் போஸ்ட் செய்து வந்தார் ஐரா.

இரண்டு ஆண்டுகளாக காதலித்து வந்த ஐரா கானும், மிஷாலும் கடந்த ஆண்டு டிசம்பர் மாதம் பிரிந்துவிட்டனர். அதன் பிறகு ஐரா சினிமா வேலையில் பிசியாகிவிட்டார். ஐரா கான் நாடகம் ஒன்றை இயக்கினார்.

ஐராவுக்கு அப்பா வழியில் நடிக்க விருப்பம் இல்லை, கேமராவுக்கு பின்னால் இருக்கவே விரும்புகிறார். இந்நிலையில் ஐரா கான் வாழ்வில் மீண்டும் காதல் வந்துள்ளதாம். இம்முறை தன் காதலர் பற்றிய விபரங்களை சமூக வலைதளங்களில் வெளியிட ஐரா விரும்பவில்லையாம்.

தன் தந்தை ஆமீர் கானின் ஃபிட்னஸ் பயிற்சியாளரான நுபுர் ஷிகாரேவை தான் கடந்த 6 மாதங்களாக காதலித்து வருகிறாராம் ஐரா. லாக்டவுன் நேரத்தில் ஐரா ஒர்க்அவுட் செய்ய அதிக முக்கியத்துவம் கொடுத்தபோது தான் நுபுரின் உதவியை நாடியிருக்கிறார். அப்பொழுது அவர்களுக்கு இடையே காதல் ஏற்பட்டுள்ளது.
ஆமீர் கானின் பண்ணை வீட்டில் ஐராவும், நுபுரும் தங்கினார்களாம். பண்டிகைகளையும் சேர்ந்தே கொண்டாடினார்களாம். நுபுரை தன் அம்மா ரீனா தத்தாவிடம் அறிமுகம் செய்து வைத்தாராம் ஐரா.

ஐரா தன் வாட்ஸ்ஆப் ப்ரொஃபைல் பிக்சரில் தானும், நுபுரும் சேர்ந்து எடுத்த புகைப்படத்தை வைத்திருக்கிறார். நுபுர் ஷிகாரே ஒரு ஃபிட்னஸ் நிபுணர். அவர் சுமார் 10 ஆண்டுகளாக பிரபல பாலிவுட் நடிகை சுஷ்மிதா சென்னின் பர்சனல் ட்ரெய்னராக இருக்கிறார்.

14 வயதில் பாலியல் துன்புறுத்தலுக்கு ஆளானேன்: சூப்பர் ஸ்டார் மகள் பகீர் தகவல்
https://tamil.samayam.com/tamil-cinema/bollywood/i-was-sexually-abused-at-14-says-aamir-khans-daughter-ira/articleshow/79012895.cms

தான் மன அழுதத்தால் அவதிப்படுவதாக ஐரா கான் அண்மையில் தான் இன்ஸ்டாகிராமில் தெரிவித்தார். சிகிச்சை பெற்று தற்போது எவ்வளவோ பரவாயில்லை என்றார். மேலும் தான் 14 வயதில் பாலியல் துன்புறுத்தலுக்கு ஆளானதாக ஐரா கூறினார். தனக்கு பாலியல் தொல்லை கொடுத்தவர் பழக்கமானவர் என்றார் ஐரா கான்.