ஸ்ரீகாந்த் ஹீரோயினை காதலிக்கும் ப்ரியங்கா சோப்ரா தம்பி?

பாலிவுட் நடிகை ப்ரியங்கா சோப்ராவின் தம்பி சித்தார்த்தும், இஷிதா குமார் என்பவரும் காதலித்தனர். இருவருக்கும் திருமணம் கூட நிச்சயிக்கப்பட்டது. இதையடுத்து திருமணம் நின்று போனது. தம்பியின் திருமணத்தில் கலந்து கொள்ள ஆசை, ஆசையாய் அமெரிக்காவில் இருந்து மும்பை வந்த ப்ரியங்கா கவலையுடன் திரும்பிச் சென்றார்.

இந்நிலையில் பிரபல தொழில் அதிபர் முகேஷ் அம்பானியின் வீட்டில் நடந்த விநாயகர் சதுர்த்தி கொண்டாட்டத்தில் பாலிவுட் பிரபலங்கள், கிரிக்கெட் வீரர்கள் என்று பலர் கலந்து கொண்டனர். அந்த நிகழ்ச்சிக்கு சித்தார்த் சோப்ரா நடிகை நீலம் உபத்யாயாவுடன் வந்திருந்தார். இருவரும் சொல்லி வைத்து போன்று ஒரே நிறத்தில் உடை அணிந்திருந்தனர். ஜோடியாக புகைப்படக் கலைஞர்களுக்கு போஸ் கொடுத்தனர்.

இதையடுத்து அவர்கள் இருவரும் காதலிப்பதாக பேச்சு கிளம்பியுள்ளது. சித்தார்த் தான் நீலமுடன் ஜோடியாக எடுத்துக் கொண்ட புகைப்படத்தை இன்ஸ்டாகிராமில் வெளியிட்டார். பின்னர் என்ன நினைத்தாரோ அதை நீக்கிவிட்டார்.

திருமணம் நின்றதை அடுத்து இஷிதா லண்டனுக்கு சென்று மீண்டும் வேலையில் சேர்ந்துவிட்டார். திருமணம் நின்றது நல்லது தான் என்று அவர் தெரிவித்துள்ளார்.

குஜராத் மாநிலத்தை சேர்ந்த நீலம் தமிழ், தெலுங்கு படங்களில் நடித்து வருகிறார். ஸ்ரீகாந்தின் ஓம் சாந்தி ஓம் படத்தில் நீலம் நடித்துள்ளார். தென்னிந்திய திரையுலகில் தனக்கென்று ஒரு இடத்தை பிடிக்க போராடிக் கொண்டிருக்கும் நீலமுக்கு சித்தார்த் சோப்ராவுடன் எப்படி பழக்கம் ஏற்பட்டது என்ற கேள்வி எழுந்துள்ளது.