3 ஆண்டுகளாக காதலித்த தம்பி நடிகரை பிரிந்த விஜய் ஹீரோயின்

பிரபல பாலிவுட் நடிகரான ஷாஹித் கபூரின் தம்பியும், நடிகருமான இஷான் கட்டார் நடிகை அனன்யா பாண்டேவை காதலித்து வந்தார். Khaali Peeli படத்தில் நடித்தபோது அவர்களுக்கு இடையே காதல் ஏற்பட்டது. இருவரும் சேர்ந்து வெளிநாடுகளுக்கு சென்று வந்தார்கள்.

அனன்யா பாண்டேவின் குடும்பத்தாருக்கு இஷானை மிகவும் பிடித்துவிட்டது. அடிக்கடி அனன்யாவின் வீட்டிற்கு சென்று வந்தார். இந்நிலையில் 3 ஆண்டுகள் ஒன்றாக இருந்த அனன்யாவும், இஷானும் பிரிந்துவிட்டதாக தகவல் வெளியாகியிருக்கிறது.

அனன்யா, இஷானுக்கு நெருக்கமான ஒருவர் கூறியதாவது, 3 ஆண்டுகள் ஒன்றாக இருந்த அவர்கள் பிரிவது என்று முடிவு செய்துவிட்டார்கள். இருவரும் சேர்ந்து தான் முடிவு எடுத்தார்கள். காதல் முறிந்துவிட்டாலும் தொடர்ந்து நண்பர்களாக இருக்கப் போகிறார்கள் என்றார்.

அனன்யாவுக்கு முன்பு ஸ்ரீதேவியின் மூத்த மகளான ஜான்வி கபூரை காதலித்தார் இஷான். அந்த காதலுக்கு ஜான்வியின் தந்தை போனி கபூர் பச்சைக் கொடி காட்டினார். போனி கபூருக்கு இஷானை பிடித்திருந்தது. ஆனால் இஷான், ஜான்வியின் காதல் நிலைக்கவில்லை.