யூடியூபில் அதிகம் டிஸ்லைக் செய்யப்பட்ட ஆலியாவின் சதக் 2 ட்ரெய்லர்: ஏன் தெரியுமா?

மகேஷ் பட் இயக்கத்தில் அவரின் மகள்கள் பூஜா, ஆலியா, சஞ்சய் தத், ஆதித்யா ராய் கபூர் உள்ளிட்டோர் நடித்துள்ள படம் சதக் 2. அந்த படத்தின் ட்ரெய்லர் நேற்று வெளியிடப்பட்டது. ட்ரெய்லர் வெளியான 24 மணிநேரத்தில் அதை யூடியூபில் லைக் செய்தவர்களை விட டிஸ்லைக் செய்தவர்கள் தான் அதிகம்.
யூடியூபில் வெளியான 24 மணிநேரத்தில் அதிகம் டிஸ்லைக் செய்யப்பட்ட வீடியோவாக சதக் 2 ட்ரெய்லர் ஆகியுள்ளது. சதக் 2 ட்ரெய்லரை இதுவரை யூடியூபில் 325,000 பேர் லைக் செய்துள்ளனர். அதே சமயம் 5.9 மில்லியன் பேர் டிஸ்லைக் செய்துள்ளனர். இது குறித்து பலரும் ட்விட்டரில் பேசி வருவதால் #Sadak2dislike என்கிற ஹேஷ்டேக் தேசிய அளவில் டிரெண்டாகியுள்ளது.
சதக் 2 ட்ரெய்லர் வெளியாகும்போது அதை அதிகம் பேர் டிஸ்லைக் செய்த ட்ரெய்லராக மாற்ற வேண்டும் என்று சுஷாந்த் சிங் ராஜ்புட்டின் ரசிகர்கள் முன்பே கூறி வந்தனர். இந்நிலையில் அவர்கள் விரும்பியது போன்றே நடந்துவிட்டது.

சுஷாந்த் சிங் ராஜ்புட் ரசிகர்களுக்கு மகேஷ் பட் மீது ஏன் இவ்வளவு கோபம் என்று கேட்கிறீர்களா?. சுஷாந்துக்கு மன அழுத்தம் இருப்பது குறித்து அவரின் காதலியான ரியா சகர்பர்த்தி மகேஷ் பட்டிடம் தான் முதலில் தெரிவித்திருக்கிறார். அதற்கு மகேஷ் பட்டோ, சுஷாந்த் பர்வீன் பாபி போன்று ஆகி வருகிறார் என்று கூறியிருக்கிறார்.

ரியா சுஷாந்த் இறப்பதற்கு முன்பு மகேஷ் பட்டுடன் அடிக்கடி போனில் பேசி வந்திருக்கிறார். மேலும் பாலிவுட்டில் இருக்கும் நெபடிசத்திற்கு எதிராக சுஷாந்தின் ரசிகர்கள் குரல் கொடுத்து வருகிறார்கள். மகேஷ் பட்டின் மகளாக இருப்பதாலேயே ஆலியா நடிகையாகி, நிலைத்து நிற்பதாக குற்றம் சாட்டப்பட்டுள்ளது.

சஞ்சய் தத், பூஜா பட் நடிப்பில் கடந்த 1999ம் ஆண்டு வெளியான சதக் படத்தின் இரண்டாம் பாகம் தான் சதக் 2. இந்த படம் வரும் 28ம் தேதி ஹாட்ஸ்டாரில் ரிலீஸாக உள்ளது. சதக் 2 படத்தை தியேட்டர்களில் வெளியிடத் தான் திட்டமிட்டார்கள். ஆனால் கொரோனா வைரஸ் பிரச்சனையால் தியேட்டர்கள் மாதக் கணக்கில் மூடியிருப்பதால் ஓடிடியில் வெளியிடுகிறார்கள்.

கே.ஜி.எப். 2 வில்லன் சஞ்சய் தத்துக்கு நுரையீரல் புற்றுநோய்: கவலையில் ரசிகர்கள்

இந்நிலையில் சதக் 2 படத்தில் நடித்துள்ள சஞ்சய் தத்துக்கு நுரையீரல் புற்றுநோய் இருப்பது கண்டுபிடிக்கப்பட்டுள்ளது. அவர் சிகிச்சைக்காக அமெரிக்காவுக்கு செல்கிறார். சிகிக்சை பெறவிருப்பதால் நடிப்பில் இருந்து குட்டி பிரேக் எடுப்பதாக சஞ்சய் தத் தெரிவித்துள்ளார். அவர் விரைவில் குணமடைய பிரார்த்தனை செய்வதாக திரையுலக பிரபலங்களும், ரசிகர்களும் தெரிவித்துள்ளனர்.

சஞ்சய் தத் நிச்சயம் புற்றுநோயை வென்று குணமடைவார் என்று அவரின் மனைவி மான்யதா கூறியுள்ளார்.