அதிதி ராவ் ஹைதரியின் முன்னாள் கணவரை காதலிக்கும் பிரபல நடிகையின் மகள்

பிரபல பாலிவுட் நடிகை நீனா குப்தாவின் மகள் மசாபா. ஆடை வடிவமைப்பாளரான மசாபா குப்தா பாலிவுட் பட தயாரிப்பாளரான மது மான்டேனாவை கடந்த 2015ம் ஆண்டு திருமணம் செய்து கொண்டார். திருமணமாகி 4 ஆண்டுகள் கழித்து மசாபாவும், மதுவும் பிரிந்து விட்டனர். பிரிந்து செல்வது என்பது இருவரும் சேர்ந்து எடுத்த முடிவு என்று அறிவித்தனர். அது தவிர ஒருவர் மீது மற்றொருவர் புகார் தெரிவித்து சண்டை போடாமல் டீசென்டாக அவரவர் வழியில் சென்றுவிட்டனர்.

மசாபாவின் விவாகரத்து குறித்து நீனா குப்தா கூறியதாவது, அவசரப்பட்டு எந்த முடிவும் எடுக்க வேண்டாம் என்று பிற தாய்மார்களை போன்று தான் நானும் கூறினேன். யோசித்து முடிவு செய் என்று மகளிடம் தெரிவித்தேன். மது நல்லவர். அவரை எனக்கும், என் கணவருக்கும் மிகவும் பிடிக்கும். மசாபாவும், மதுவும் நன்றாக யோசித்து தான் முடிவு எடுத்திருக்கிறார்கள். ஆனால் இது எனக்கு அதிர்ச்சி அளித்தது என்றார்.
மதுவை பிரிந்த பிறகு மசாபா தனது வேலையில் பிசியாக இருந்தார். இந்நிலையில் மசாபாவின் வாழ்க்கையில் மீண்டும் காதல் வந்துள்ளது. அவர் பாலிவுட் நடிகர் சத்யதீப் மிஷ்ராவை தான் காதலிக்கிறார். தங்கள் காதலை யாருக்கும் தெரியாமல் வைக்க அவர்கள் முடிவு செய்தார்களாம்.

வார இறுதி நாட்களை கொண்டாட மசாபாவும், சத்யதீப்பும் கோவாவுக்கு சென்ற இடத்தில் கொரோனா வைரஸ் பிரச்சனையால் ஊரடங்கு உத்தரவு அமல்படுத்தப்பட்டது. இதையடுத்து மசாபாவும், சத்யதீப்பும் கோவாவில் ஒன்றாக இருக்கிறார்களாம். காதல் வந்த வேகத்தில் இருவரும் சேர்ந்து நேரம் செலவிட கிடைத்துள்ள இந்த வாய்ப்பை பயன்படுத்தி அவர்கள் ஒருவரை ஒருவர் புரிந்து கொள்ள முயற்சி செய்வதாக கூறப்படுகிறது.

சத்யதீப் மிஷ்ரா படித்துவிட்டு டெல்லியில் வழக்கறிஞராக இருந்தார். ஆனால் நடிப்பு மீது ஏற்பட்ட ஈர்ப்பால் மும்பைக்கு வந்து படங்களில் நடிக்கத் துவங்கினார். கடந்த 2011ம் ஆண்டு வெளியான நோ ஒன் கில்டு ஜெசிகா படம் மூலம் தான் சத்யதீப் மிஷ்ரா நடிகர் ஆனார். சத்யதீப் தற்போது வெப் தொடர்களில் கவனம் செலுத்தி வருகிறார்.

சத்யதீப் ஏற்கனவே திருமணமாகி விவாகரத்தானவர். அவர் திருமணம் செய்தது பிரபல பாலிவுட் நடிகை அதிதி ராவ் ஹைதரியை தான். அதிதி தன் 17வது வயதில் சத்யதீப்பை சந்தித்து காதலித்துள்ளார். அதிதி தனது 21வது வயதில் சத்யதீப்பை திருமணம் செய்தார். கடந்த 2013ம் ஆண்டு அவர்கள் பிரிந்துவிட்டனர். பிரிந்துவிட்டாலும் அதிதியும், சத்யதீப்பும் நல்ல நண்பர்களாக உள்ளனர் என்பது குறிப்பிடத்தக்கது.
அதிதி ராவ் ஹைதரி தற்போது இந்தி தவிர்த்து தமிழ் படங்களில் கூடுதல் கவனம் செலுத்தி வருகிறார். மணிரத்னம் இயக்கி வரும் பொன்னியின் செல்வன் படத்தில் அதிதி ராவ் ஹைதரி முக்கிய கதாபாத்திரத்தில் நடிக்கிறார். கொரோனா வைரஸ் பிரச்சனையால் படப்பிடிப்புகள் அனைத்தும் நிறுத்தி வைக்கப்பட்டுள்ளது. இதனால் அதிதி தன் வீட்டில் முடங்கியுள்ளார். முன்னதாக மிஷ்கின் இயக்கத்தில் உதயநிதி ஸ்டாலினுடன் சேர்ந்து அதிதி நடித்த சைக்கோ படம் கடந்த ஜனவரி மாதம் வெளியாகி ஹிட்டானது.