ஒரு முஸ்லீம் இப்படி செய்யலாமா?, கேவலம்: ஷாருக்கானை விளாசிய நெட்டிசன்ஸ்

நடிகர் ஷாருக்கான் தீபாவளியை முன்னிட்டு இன்ஸ்டாகிராமில் புகைப்படம் வெளியிட்டு ரசிகர்களுக்கு வாழ்த்து தெரிவித்தார். அந்த புகைப்படத்தில் ஷாருக்கான், அவரின் மனைவி கவுரி, இளைய மகன் ஆப்ராம் ஆகியோரின் நெற்றியில் திலகம் இருந்தது.



அதை பார்த்த சிலர், நீங்கள் எல்லாம் ஒரு முஸ்லீமா, ஒரு இஸ்லாமியர் தன் நெற்றியில் திலகம் வைக்கலாமா?, உலகத்திற்காக போலியாக நடிக்கிறீர்கள். முஸ்லீமாக இருந்து கொண்டு தீபாவளி கொண்டாடுவதா என்று கூறி ஷாருக்கானை கண்டபடி விளாசினார்கள்.

இந்து பண்டிகையை கொண்டாடுவதற்காக ஷாருக்கானை நெட்டிசன்கள் விளாசுவது இது ஒன்றும் முதல் முறை அல்ல. முன்னதாக விநாயகர் சதுர்த்தியை கொண்டாடியதற்காக ஷாருக்கானை சமூக வலைதளங்களில் விமர்சித்தார்கள்.

தீபாவளி வாழ்த்து தெரிவித்ததற்காக ஷாருக்கானை நெட்டிசன்கள் வசைபாடியதை பார்த்த பாலிவுட் நடிகை ஷபானா ஆஸ்மி அவருக்கு ஆதரவாக ட்வீட் போட்டுள்ளார். அந்த ட்வீட்டில் அவர் கூறியிருப்பதாவது,

ஷாருக்கான் நெற்றியில் திலகம் வைத்ததற்காக அவரை போலி முஸ்லீம் என்று விளாசுவதை பார்த்து அதிர்ச்சியாக உள்ளது. இஸ்லாம் ஒன்றும் வீக்கானது இல்லை. இந்தியாவின் அழகு கங்காஜமுனி தெஹ்சீபில் உள்ளது என்று தெரிவித்துள்ளார்.



ஷாருக்கானின் மனைவி கவுரி ஒரு இந்து என்பதால் அவர்கள் வீட்டில் அனைத்து பண்டிகைகளையும் கொண்டாடுகிறார்கள். மேலும் ஷாருக்கான் தன் நண்பர்கள் வீட்டில் நடக்கும் பூஜைகளில் கலந்து கொண்டு குங்குமம் வைத்துக் கொள்வார். அவரின் வீட்டில் எம்மதமும் சம்மதம் ஆகும் என்பது குறிப்பிடத்தக்கது.