ஆசையாய் கணவரை வாழ்த்திய நடிகை: உங்க மகனா என்று கலாய்த்த நெட்டிசன்ஸ்

பாலிவுட் நடிகை ப்ரியங்கா சோப்ரா தன்னை விட 10 வயது சிறியவரான அமெரிக்க பாடகர் நிக் ஜோனஸை கடந்த ஆண்டு திருமணம் செய்து கொண்டார். திருமணத்திற்கு பிறகு அவர் கணவருடன் அமெரிக்காவில் வசித்து வருகிறார்.

இந்நிலையில் அவர் நிக் ஜோனஸின் 27வது பிறந்தநாளையொட்டி ஒரு அழகான வீடியோவை சமூக வலைதளத்தில் வெளியிட்டு வாழ்த்து தெரிவித்துள்ளார்.



ப்ரியங்கா வெளியிட்ட வாழ்த்துச் செய்தியை பார்த்த நெட்டிசன்களோ அவரை கிண்டல் செய்துள்ளனர். ப்ரியங்காவை கலாய்த்து நெட்டிசன்கள் கூறியிருப்பதாவது,

நிக் ஜோனஸ் ப்ரியங்காவின் மகன் வயது உள்ளவர். இது யார் மகன் ப்ரியங்கா?. இதை பார்த்தால் ஒரு தாய் தனது மகனுக்கு வாழ்த்து தெரிவித்தது போன்று உள்ளது.

சும்மா சும்மா இது போன்ற வீடியோக்கள், புகைப்படங்களை வெளியிட வேண்டாம். இதற்கு நேரம் செலவு செய்வதை விட்டுவிட்டு கணவருடன் இருங்க. மகிழ்ச்சியாக இருப்பது போன்று நடிக்க வேண்டாம் என்று தெரிவித்துள்ளனர்.

ப்ரியங்காவின் ரசிகர்களோ, நிக் ஜோனஸை மனதார வாழ்த்தியுள்ளனர். மேலும் ப்ரியங்காவை பத்திரமாக பார்த்துக் கொள்ளுமாறு அன்புக் கோரிக்கை விடுத்துள்ளனர். ப்ரிங்கா வெளியிட்டுள்ள வீடியோ மிகவும் அருமை என்று பாராட்டியுள்ளனர்.

ப்ரியங்காவுக்கும், நிக் ஜோனஸுக்கு வயது வித்தியாசம் ஒரு பிரச்சனையாக இல்லை. ஆனால் இந்த நெட்டிசன்கள் தான் அவர்களை அடிக்கடி கிண்டல் செய்கிறார்கள். 10 வருட சவாலில் எல்லாம் ப்ரியங்கா, நிக்கை கிண்டல் செய்தனர். அது என்னவோ, ப்ரியங்காவை மட்டும் தொடர்ந்து சமூக வலைதளங்களில் கிண்டல் செய்து கொண்டிருக்கிறார்கள்.

ப்ரியங்காவை இப்படி கிண்டல் செய்வது சரி அல்ல என்று திரையுலக பிரபலங்கள் சிலர் கூறியும் யாரும் கேட்கவில்லை. வேலை இல்லாதவர்கள், முகத்தை காட்ட விரும்பாதவர்கள் தான் இது போன்ற வேலையில் ஈடுபடுவார்கள் என்று கூறி தன்னை யார் கலாய்த்தாலும் ப்ரியங்கா அதை கண்டு கொள்வது இல்லை.

ப்ரியங்கா சோப்ரா ஹாலிவுட்டில் செட்டில் ஆன பிறகு நடித்த பாலிவுட் படமான தி ஸ்கை இஸ் பிங்க் வரும் அக்டோபர் மாதம் 11ம் தேதி வெளியாக உள்ளது. ட்ரெய்லரே செமயாக இருந்தது. இந்த படம் நிச்சயம் ரசிகர்களை கவரும் என்று நம்பப்படுகிறது.