அந்த நடிகரை காதலிக்கிறேன் ஆனால் கல்யாணம் மட்டும்...: ஜி.வி. பிரகாஷ் ஹீரோயின்

ஜி.வி. பிரகாஷ் நடித்த புரூஸ் லீ படம் மூலம் கோலிவுட் வந்தவர் பாலிவுட் நடிகை க்ரிட்டி கர்பந்தா. அவர் தமிழ், தெலுங்கு, இந்தி, கன்னட மொழி படங்களில் கவனம் செலுத்தி வருகிறார். அவருக்கும், பாலிவுட் நடிகர் புல்கிட் சாம்ராட்டுக்கும் இடையே காதல் ஏற்பட்டுள்ளது. பிற நடிகைகளை போன்று க்ரிட்டி தனது காதலை மறைக்கவில்லை. அதே சமயம் திருமணம் செய்து கொள்ளவும் அவர் அவசரப்படவில்லை.

க்ரிட்டியும், புல்கிட் சாம்ராட்டும் தாங்கள் சேர்ந்து எடுக்கும் புகைப்படங்களை அவ்வப்போது சமூக வலைதளங்களில் வெளியிட்டு வருகிறார்கள். அதை பார்க்கும் ரசிகர்கள், இன்னும் எத்தனை நாட்களுக்கு தான் இப்படியே காதலித்துக் கொண்டிருக்கப் போகிறீர்கள். திருமணம் செய்யும் ஐடியா இல்லையா என்று கேள்வி எழுப்பியுள்ளனர். இந்நிலையில் திருமணம் குறித்து மனம் திறந்து பேசியுள்ளார் க்ரிட்டி கர்பந்தா.

தற்போதைக்கு திருமணம் செய்து கொண்டு செட்டில் ஆகும் ஐடியா இல்லை. நான் மட்டும் அல்ல புல்கிட்டும் திருமணத்திற்கு தயாராக இல்லை. அவர் ஒரு பச்சா. திருமண திட்டங்கள் இப்போதைக்கு இல்லை. புல்கிட் சாம்ராட் போன்று ஒரு பாசமான, அக்கறையான ஆளை நான் பார்த்ததே இல்லை. கொரோனா பிரச்சனையால் வீட்டில் இருந்தாலும் புல்கிட் என்னை ஒரு வேலையும் செய்யவிடுவது இல்லை என்று க்ரிட்டி தெரிவித்துள்ளார்.

புல்கிட் சாம்ராட் தன்னை ராணி போன்று பார்த்துக் கொள்கிறார் என்கிறார் க்ரிட்டி. க்ரிட்டியும், சாம்ராட்டும் சேர்ந்து வீரே கி வெட்டிங், பாகல்பந்தி ஆகிய படங்களில் சேர்ந்து நடித்துள்ளனர். முன்னதாக புல்கிட் ஸ்வேதா ரோஹிரா என்கிற சமூக ஆர்வலரை திருமணம் செய்தார். ஆனால் திருமணமாகி ஓராண்டுக்குள் அவர்கள் பிரிந்துவிட்டனர். அதன் பிறகு புல்கிட் நடிகை யாமி கவுதமை காதலித்தார் என்பது குறிப்பிடத்தக்கது.