பிக் பாஸ் வின்னருக்கு மூளை பக்கவாதம், வலது பக்கம் பாதிப்பு

மகேஷ் பட் இயக்கத்தில் கடந்த 1990ம் ஆண்டு வெளியாகி சூபப்ர் ஹிட்டான ஆஷிகி படம் மூலம் நடிகர் ஆனவர் ராகுல் ராய். கரிஷ்மா கபூருடன் சேர்ந்து சப்னே சாஜன் கே படத்தில் நடித்திருக்கிறார். இந்தி பிக் பாஸ் நிகழ்ச்சியின் முதல் சீசனில் கலந்து கொண்டு வெற்றி பெற்றார்.

அவர் கார்கில் பகுதியில் நடந்த LAC-Live The Battle படப்பிடிப்பில் கலந்து கொண்டார். அப்பொழுது அவருக்கு மூளை பக்கவாதம் ஏற்பட்டது. இதையடுத்து அவரை மும்பைக்கு கொண்டு வந்து நானாவதி மருத்துவமனையில் அனுமதித்துள்ளனர்.

ராகுல் பற்றி அவருக்கு நெருக்கமான ஒருவர் கூறியதாவது,

கார்கிலில் -15 டிகிரி சென்டிகிரேடில் படப்பிடிப்பு நடத்தது. மோசமான வானிலை காரணமாகத் தான் ராகுலுக்கு மூளை பக்கவாதம் ஏற்பட்டிருக்கிறது. கார்கிலில் இருந்து ஸ்ரீநகர் கொண்டு வரப்பட்டு அங்கிருந்து மும்பைக்கு கொண்டு வரப்பட்டார் ராகுல். அவர் தற்போது தீவிர சிகிச்சை பிரிவில் அனுமதிக்கப்பட்டுள்ளார் என்றார்.

நானாவதி மருத்துவமனை வட்டாரத்தில் கூறப்படுவதாவது,

ராகுலின் நிலைமை தற்போது சீராக இருக்கிறது. அவரின் முகத்தின் வலது பக்கம் பாதிக்கப்பட்டுள்ளது. மேலும் ராகுலின் வலது கையும் பாதிக்கப்பட்டுள்ளது. அவர் குணமடைவது மெதுவாகத் தான் நடக்கும். அவருக்கு பிசியோதெரபி தேவை என்று தெரிவிக்கப்பட்டுள்ளது.

ராகுலின் மைத்துனர் ரோமீர் சென் மற்றும் ராக்கி சகோதரி ப்ரியங்கா ஆகியோர் மருத்துவமனையில் அவருக்கு துணையாக இருக்கிறார்கள்.

ரோமீரை தொடர்பு கொண்டபோது அவர் கூறியதாவது,

நாங்கள் ராகுல் அண்ணாவுடன் இருக்கிறோம். மருத்துவர்கள் அளிக்கும் மருந்துகள் வேலை செய்கிறது. அவர் இதில் இருந்து விரைவில் வெளியே வருவார். ராகுல் அண்ணாவுக்காக பிரார்த்தனை செய்யுங்கள் என்றார்.

52 வயதாகும் ராகுல் ராய் விரைவில் குணமடைய பிரார்த்தனை செய்வதாக ரசிகர்கள் சமூக வலைதளங்களில் தெரிவித்துள்ளனர். ராகுல் ராய் 30 ஆண்டுகளாக இந்தி படங்களில் நடித்து வருகிறார் என்பது குறிப்பிடத்தக்கது.

இஸ்லாத்திற்கு மாறச் சொல்லி ஒரே டார்ச்சர்: இசையமைப்பாளரின் மனைவி புகார்