Rakhi Sawant: என் திருமண வாழ்க்கை பிரச்சனையில் இருக்கு: கதறி அழுத சர்ச்சை நடிகை

பாலிவுட் நடிகையான ராக்கி சாவந்த் இந்தி பிக் பாஸ் நிகழ்ச்சியில் கலந்து கொண்டு பிரபலமானார். அந்த நிகழ்ச்சியில் தன் கணவர் ரித்தேஷை இந்த உலகிற்கு அறிமுகம் செய்து வைத்தார். அதன் பிறகு ரித்தேஷை பிரிந்த ராக்கி சாவந்த் ஆதில் துர்ரானி என்பவரை காதலித்து திருமணம் செய்து கொண்டார். இந்நிலையில் தன் திருமண வாழ்க்கையில் பிரச்சனை ஏற்பட்டுள்ளதாக தெரிவித்துள்ளார்.

செய்தியாளர்களை சந்தித்த ராக்கி சாவந்த் கூறியதாவது, என் கல்யாண வாழ்க்கை பிரச்சனையாகிவிட்டது. திருமணம் என்பது ஜோக் இல்லை. என் திருமண வாழ்க்கையில் தலையிடுவதால் யாருக்கு என்ன கிடைக்கும் என்று கூறி அழுதுவிட்டார். ஆவணங்களின்படி கடந்த 2022ம் ஆண்டு மே மாதம் ஆதிலுக்கும், ராக்கி சாவந்துக்கும் திருமணம் நடந்திருக்கிறது. ஆனால் அந்த திருமணம் குறித்து இந்த ஆண்டு தான் அறிவித்தார் ராக்கி சாவந்த்.

ராக்கி சாவந்த் தன் திருமண வாழ்க்கை குறித்து புகார் தெரிவிப்பது இது ஒன்றும் முதல் முறை அல்ல. முன்பும் கூட, தனக்கும், ஆதிலுக்கும் இடையே பிரச்சனை என்றார். அவர் அப்பொழுது கூறியதாவது, நானும், ஆதிலும் கணவன், மனைவி தான். இன்னும் ஒன்றாகத் தான் தங்கியிருக்கிறோம். ஆனால் எங்களுக்கு இடையே நிறைய நடந்து கொண்டிருக்கிறது. அதை நான் வெளியே சொல்ல விரும்பவில்லை. சரியான நேரம் வரும்போது சொல்கிறேன். நான் ஆதிலின் மனைவியாக இருக்க விரும்புகிறேன். அதில் தெளிவாக உள்ளேன் என்றார்.

ராக்கி சாவந்த் செய்தியாளர்கள் மத்தியில் அழுததை பார்த்த சமூக வலைதளவாசிகள் கூறியிருப்பதாவது, டிராமா குயீன். எப்பொழுது பார்த்தாலும் கேமராவுக்கு முன்பு வந்து அழுவதே வேலையாகிவிட்டது. யாரையாவது திருமணம் செய்து கொண்டு பிரச்சனையில் சிக்கிவிடுகிறார். திருமணம் ஒன்றும் ஜோக் இல்லை என்கிறார் ராக்கி. ஆனால் திருமணத்தை ஜோக் ஆக்குவதே ராக்கி சாவந்த் தான் என்கிறார்கள்.

​Rakhi Sawant: சர்ச்சை நடிகையின் அந்தரங்க வீடியோ விவகாரம்: பிக் பாஸ் பிரபலம் கைது

புற்றுநோயுடன் போராடி வந்த ராக்கி சாவந்தின் அம்மா ஜெயா நான்கு நாட்களுக்கு முன்பு சிகிச்சை பலனின்றி உயிரிழந்தார். அவரின் இறுதிச் சடங்கின்போது ராக்கி கதறி அழுத வீடியோ வெளியானது. ஜெயாவின் இறுதிச் சடங்கில் ராக்கியுடன் அவரின் கணவர் ஆதில் துரானி கலந்து கொண்டார் என்பது குறிப்பிடத்தக்கது. அம்மா இறந்த கையோடு தன் திருமண வீடியோவை வெளியிட்டார் ராக்கி. அதை பார்த்த சமூக வலைதளவாசிகள், இந்த நேரத்தில் இது தேவையா என விளாசினார்கள்.