தம்பியுடன் பிகினியில் தான் போஸ் கொடுக்கணுமா?: தனுஷ் ஹீரோயினை விளாசிய நெட்டிசன்ஸ்

மறைந்த நடிகர் சுஷாந்த் சிங் ராஜ்புட்டின் கேதர்நாத் படம் மூலம் நடிகையானவர் சாரா அலி கான். அப்பா சயிப் அலி கான், அம்மா அம்ரிதா சிங் வழியில் நடிக்க வந்துவிட்டார். சாரா சமூக வலைதளத்தில் ஆக்டிவாக இருப்பவர். அவ்வப்போது தன் புகைப்படங்கள், வீடியோக்களை வெளியிட்டு வருகிறார்.

இந்நிலையில் ரக்ஷா பந்தன் கொண்டாட்டத்தை முன்னிட்டு சாரா அலி கான் வீடியோ ஒன்றை இன்ஸ்டாகிராமில் வெளியிட்டிருந்தார். தான் பிகினி அணிந்து தம்பி இப்ராஹிம் அலி கானுடன் நீச்சல் குளத்தில் இருக்கும் வீடியோவை வெளியிட்டார்.


சாரா அலி கான் வெளியிட்ட வீடியோவை பார்த்தவர்கள் கூறியிருப்பதாவது,

ரக்ஷா பந்தனுக்கு தம்பியை வாழ்த்த பிகினி அணிந்த வீடியோ தான் உங்களுக்கு கிடைத்ததா?. இலவச விளம்பரம் தேட இது தான் சரியான வழி என்று வேண்டும் என்றே தானே இந்த வீடியோவை வெளியிட்டீர்கள். ஏதாவது சர்ச்சையான வீடியோ, புகைப்படங்களை வெளியிடுவதே உங்களுக்கு வேலையாகிவிட்டது.

தம்பியுடன் ஒழுங்காக உடை அணிந்த வீடியோவை வெளியிட்டிருந்தால் யாரும் உங்களை விமர்சிக்கப் போவது இல்லை. முஸ்லீம் பெண்ணாக இருந்து கொண்டு இப்படி செய்கிறீர்களே என்று தெரிவித்துள்ளனர்.

முன்னதாக சாரா தன் தம்பி இப்ராஹிமுக்கு பிறந்தநாள் வாழ்த்து தெரிவித்து இன்ஸ்டாகிராமில் புகைப்படம் ஒன்றை வெளியிட்டார். அந்த புகைப்படத்தில் சாரா பிகினி அணிந்து தம்பியுடன் போஸ் கொடுத்திருந்தார். அந்த புகைப்படத்தை பார்த்த சமூக வலைதளவாசிகள் சாராவை மோசமாக விமர்சித்தனர். நீங்கள் பிகினியில் நெருக்கமாக நிற்க இப்ராஹிம் நெளந்து கொண்டிருக்கிறார். அக்காவாக ஒழுங்காக உடை அணியுங்கள் என்று விளாசினார்கள். இந்நிலையில் சாரா பிகினி வீடியோவை வெளியிட்டுள்ளார்.
லாக்டவுனுக்கு முன்பு சாரா அலி கான் ஆனந்த் எல். ராய் இயக்கத்தில் அத்ரங்கி ரே படத்தில் நடித்து வந்தார். அந்த படத்தில் அக்ஷய் குமார், தனுஷ் ஆகியோர் முக்கிய கதாபாத்திரங்களில் நடிக்கிறார்கள். கொரோனா வைரஸ் பிரச்சனையால் படப்பிடிப்பு நிறுத்தி வைக்கப்பட்டுள்ளது.

இந்நிலையில் வரும் அக்டோபர் மாதம் மதுரையில் படப்பிடிப்பு மீண்டும் துவங்கும் என்று அறிவிக்கப்பட்டுள்ளது. லாக்டவுனுக்கு முன்பு வாரணாசியில் படப்பிடிப்பு நடந்தது. அப்பொழுது சாரா தன் அம்மா அம்ரிதாவுடன் சேர்ந்து கோவிலுக்கு சென்றபோது எடுத்த புகைப்படங்கள், வீடியோக்களை இன்ஸ்டாகிராமில் வெளியிட்டார். அதை பார்த்தவர்கள், ஒரு இஸ்லாமிய பெண் இப்படி கோவிலுக்கு போகலாமா என்று சாராவை விளாசினார்கள்.

இதையடுத்து சாரா தான் கோவிலில் இருந்தபோது எடுக்கப்பட்ட மேலும் சில புகைப்படங்களை வெளியிட்டார். சாராவின் அப்பா இஸ்லாமியர், அம்மா இந்து மதத்தை சேர்ந்தவர். அதனால் சாராவுக்கு இரு மதமும் சம்மதமே என்று அவரின் ரசிகர்கள் கூறினார்கள்.

வழக்கமாக சாரா ஆண்டுதோறும் ரக்ஷா பந்தனின்போது தன் அப்பாவின் இரண்டாவது மனைவியான நடிகை கரீனா கபூரின் மகன் தைமூர் அலி கானுக்கு ராக்கி கட்டுவார். இந்த ஆண்டு கொரோனா வைரஸ் பிரச்சனையால் அவர் தைமூருக்கு ராக்கி கட்டவில்லை.

அதே சமயம் ரக்ஷா பந்தன் அன்று தைமூர் தன் அத்தை சோஹா அலி கான், அவர் மகள் இனாயாவுடன் நேரம் செலவிட்டார். தைமூரும், இனாயாவும் விளையாடியபோது எடுக்கப்பட்ட புகைப்படம் வெளியாகி ரசிகர்களை கவர்ந்துள்ளது. தைமூருக்கும், இனாயாவுக்கும் 9 மாதம் தான் வயது வித்தியாசம் என்பது குறிப்பிடத்தக்கது.

அப்படி இருந்த நடிகையா இப்படி ஆகிட்டார்!: வியக்கும் ரசிகர்கள்