எனக்கும் அந்த கொடுமை நடந்திருக்கு: நடிகை குமுறல்

பாலிவுட் படங்கள், இந்தி தொலைக்காட்சி தொடர்கள், வெப் தொடர்களில் நடித்து வருபவர் ஷாமா சிக்கந்தர். பட வாய்ப்புக்காக படுக்கைக்கு அழைப்பது பற்றி பல நடிகைகள் பேசியுள்ளனர்.

இந்நிலையில் இது குறித்து ஷாமா சிக்கந்தர் கூறியிருப்பதாவது,

பட வாய்ப்புக்காக படுக்கைக்கு அழைக்கப்படுவது குறித்து நான் தான் முதலில் பேசினேன் என்று நினைக்கிறேன். மீ டூ இயக்கத்தால் இது குறித்து அனைவருக்கும் தற்போது தெரிய வந்தது. அதனால் அனைவரும் தற்போது இது பற்றி பேச விரும்புகிறார்கள். ஆனால் முன்பு ஒருவரும் பேச விரும்பவில்லை.

அனைவரும் பயந்தார்கள். பட வாய்ப்புக்காக படுக்கைக்கு அழைக்கும் பழக்கம் இருக்கிறது என்று நான் கூறி வருகிறேன். ஆனால் அந்த பழக்கம் சினிமா துறையில் மட்டும் அல்ல அதிகாரம் இருக்கும் அனைத்து இடங்களிலும் இருக்கிறது.

பலர் நினைப்பது போன்று சினிமா துறை மோசமானது இல்லை. நான் சில மிகவும் திறமையான, நல்ல உள்ளம் படைத்தவர்களையும் சினிமா துறையில் பார்த்திருக்கிறேன். என் நண்பர்கள் சிலர் சினிமா துறையை சேர்ந்தவர்கள் தான். அவர்கள் அருமையானவர்கள்.

பட வாய்ப்புக்காக படுக்கைக்கு அழைக்கப்படுவது எனக்கு இரண்டு முறை நடந்திருக்கிறது. நான் அதை மெச்சூரான முறையில் கையாண்டேன். ஒரு ஆண் ஒரு பெண்ணுடன் உறவு கொள்ள நினைப்பது தவறு இல்லை. ஆனால் அது அந்த பெண்ணின் அனுமதியுடன் நடக்க வேண்டும்.

அனுமதி இல்லாமல் அடுத்த பெண்ணுடன் உறவு கொள்ள நினைப்பது தவறு. ஒரு பெண்ணை தன்னுடன் உறவு கொள்ள வைக்கும் மனநிலை உள்ளவர்கள் மோசமானவர்கள். இன்று அவர்கள் அதிகாரத்தில் இருப்பதால் இப்படி செய்கிறார்கள். முன்பு அவர்களுக்கும் யாராவது இதே போன்று செய்திருப்பார்கள். இது தொடர் கதையாகி வருகிறது. இதை நிறுத்த விழிப்புணர்வு தேவை.

மீ டூ இயக்கத்தால் பலர் பயத்தில் இருக்கிறார்கள். பாதிக்கப்பட்டவர்கள் துணிந்து போலீசில் புகார் அளிக்க பயப்படுகிறார்கள். இந்த விஷயம் வெளியே வந்தால் அடுத்தவர்கள் நம்மை பற்றி என்ன நினைப்பார்கள் என்று பல பெண்கள் அஞ்சுகிறார்கள்.

மீ டூ இயக்கம் மீதான பயத்தால் பட வாய்ப்புக்காக படுக்கைக்கு அழைக்கப்படுவது தற்போது குறைந்திருக்கிறது. இது சாத்தியமாக போராடிய அனைத்து பெண்களுக்கும் நன்றி. வாய்ப்புக்காக படுக்கைக்கு அழைப்பது தவறு என்பதை மக்கள் உணர வேண்டும் என்று விரும்புகிறேன்.

என்னிடம் மோசமாக நடந்து கொண்ட அனைவரையும் நான் மன்னித்துவிட்டேன். அதனால் தற்போது நான் நிம்மதியாகவும், சந்தோஷமாகவும் இருக்கிறேன் என்றார்.

இந்த ரியல் ஹீரோ சட்டையை கழட்டி உடம்பை காட்டியதும் பட வாய்ப்பு கிடைச்சிருக்கு