நடிகர் மோசம் செய்தார், சில இயக்குநர்கள் செக்ஸுக்கு முயன்றனர்: நடிகை பகீர்

பாலிவுட்டில் பட வாய்ப்புக்காக படுக்கைக்கு அழைக்கப்படுவது இருக்கிறது என்று பிரபல இந்தி நடிகைகள் சிலரே தெரிவித்துள்ளனர். இந்த பழக்கம் சினிமா துறையில் மட்டும் அல்ல அனைத்து துறைகளிலும் இருக்கிறது என அவர்கள் மேலும் கூறியுள்ளனர். மறைந்த நடிகர் சுஷாந்த் சிங் ராஜ்புட்டின் முன்னாள் காதலியான அங்கிதா லோகந்தே, தயாரிப்பாளர் ஒருவர் தன்னை படுக்கைக்கு அழைத்ததாக அண்மையில் தெரிவித்தார். இந்நிலையில் பிரபல பாலிவுட் நடிகர் சல்மான் கானின் முன்னாள் காதலியான சோமி அலி புது குண்டை தூக்கிப் போட்டுள்ளார்.

நான் மோசமான ரிலேஷன்ஷிப்பில் இருந்தேன். ஒரு சில இயக்குநர்கள் என்னுடன் செக்ஸ் வைத்துக் கொள்ள முயற்சி செய்தனர். அது ரொம்ப மோசமான காலம். நான் மீண்டும் படங்களில் நடிக்கவே மாட்டேன். எனக்கு அந்த ஐடியா இல்லை. இந்த துறைக்கு எனக்கு சரியானது இல்லை என்று சோமி அலி பேட்டி ஒன்றில் தெரிவித்துள்ளார். சல்மான் கானை திருமணம் செய்துகொள்ளும் ஆசையில் தான் அவர் மும்பைக்கே வந்தார். சல்மானும், சோமி அலியும் 8 ஆண்டுகள் காதலித்தனர்.

சல்மான் கான் குறித்து சோமி அலி கூறியதாவது, நான் சல்மானிடம் இருந்து எதையும் கற்றுக் கொள்ளவில்லை. நானும், அவரும் பேசியே 5 ஆண்டுகள் ஆகிறது. நானும், சல்மானும் அடுத்த கட்டத்திற்கு சென்றுவிட்டோம். நான் அவரை பிரிந்து 20 ஆண்டுகளாகிவிட்டது. அவர் என்னை ஏமாற்றிவிட்டார். அதன் பிறகே அவரை விலகிச் சென்றேன் என்றார்.

நான் சல்மானிடம் இருந்து எதையும் கற்றுக்கொள்ளாவிட்டாலும் அவரின் பெற்றோரிடம் இருந்து நிறைய நல்ல விஷயங்களை கற்றுக் கொண்டேன். முக்கியமான விஷயம் எதுவென்றால், அவர்கள் எப்பொழுதுமே மதத்தை பார்க்க மாட்டார்கள், மனிதர்களை தான் பார்ப்பார்கள். அனைவரையும் சமமாக நடத்துவார்கள். அவர்கள் வீட்டுக் கதவு அனைவருக்காகவும் திறந்தே இருக்கும். சல்மானின் அம்மா சல்மா மிகவும் அன்பானவர் என்றார் சோமி அலி.