2020ம் ஆண்டு அதிகம் யாஹூ செய்யப்பட்ட பிரபலம்: மோடியை முந்திய சுஷாந்த்

கிரிக்கெட் வீரர் எம்.எஸ். தோனியின் வாழ்க்கை வரலாற்று படம் மூலம் இந்தியா முழுவதும் பிரபலமானவர் பாலிவுட் நடிகர் சுஷாந்த் சிங் ராஜ்புட். அவர் கடந்த ஜூன் மாதம் 14ம் தேதி மும்பையில் இருக்கும் தன் வீட்டில் தூக்கு போட்டு தற்கொலை செய்து கொண்டார்.

அவரின் மரணம் தற்கொலை அல்ல கொலை என்று கூறி குடும்பத்தார், ரசிகர்கள், பாலிவுட் பிரபலங்கள் சிலர் நியாயம் கேட்டுக் கொண்டிருக்கிறார்கள். சுஷாந்தின் வழக்கை சிபிஐ அதிகாரிகள் விசாரித்துக் கொண்டிருக்கிறார்கள்.

இந்நிலையில் 2020ம் ஆண்டு இந்தியாவில் யாஹுவில் அதிகம் தேடப்பட்ட பிரபலங்களின் பட்டியல் வெளியாகியுள்ளது. அதில் சுஷாந்த் சிங் ராஜ்புட் முதலிடத்தை பிடித்துள்ளார். பிரதமர் நரேந்திர மோடி இரண்டாவது இடத்தில் இருக்கிறார். கடந்த 2017ம் ஆண்டில் இருந்து யாஹு பட்டியலில் தொடர்ந்து முதலிடத்தில் இருந்து வந்த மோடி இந்த ஆண்டு இரணடாவது இடத்திற்கு சென்றுவிட்டார்.

சுஷாந்த் சிங் ராஜ்புட்டின் காதலியான நடிகை ரியா சக்ரபர்த்தி மூன்றாவது இடத்தில் இருக்கிறார். யாஹுவில் அதிகம் தேடப்பட்ட பெண் பிரபலம் ரியா தான். ராகுல் காந்தி 4து இடத்திலும், பாஜக தலைவர் அமித் ஷா 5வது இடத்திலும், மகாராஷ்டிரா மாநில முதல்வர் உத்தவ் தாக்கரே 6வது இடத்திலும், டெல்லி முதல்வர் அரவிந்த் கெஜ்ரிவால் 7வது இடத்திலும், மேற்கு வாங்க மாநில முதல்வர் மமதா பானர்ஜி 8வது இடத்திலும், பாலிவுட் நடிகர் அமிதாப் பச்சன் 9வது இடத்திலும், நடிகை கங்கனா ரனாவத் 10வது இடத்திலும் இருக்கிறார்கள்.

யாஹுவில் அதிகம் தேடப்பட்ட நடிகர்கள் பட்டியலிலும் சுஷாந்த் முதலிடத்தில் உள்ளார். சுஷாந்தை அடுத்து அமிதாப் பச்சன், அக்ஷய் குமார், சல்மான் கான், இர்ஃபான் கான், ரிஷி கபூர் ஆகியோர் அந்த பட்டியலில் இருக்கிறார்கள்.

அதிகம் தேடப்பட்ட நடிகைகள் பட்டியலில் ரியா சக்ரபர்த்தி முதலிடத்தில் இருக்கிறார். அடுத்ததாக கங்கனா ரனாவத், தீபிகா படுகோன், சன்னி லியோன், ப்ரியங்கா சோப்ரா ஆகியோர் இருக்கிறார்கள்.

டாப் நியூஸ்மேக்கர்ஸ் பிரவில் மோடி முதலிடத்திலும், சுஷாந்த்-ரியா கூட்டாக இரண்டாவது இடத்திலும், ராகுல் காந்தி மூன்றாவது இடத்திலும் உள்ளனர்.

அவர் என் மனைவி, 4 பேருடன் கள்ளத்தொடர்பு: நடிகை பற்றி ஹோட்டல் அதிபர்