ஃபர்னிச்சரை விற்றோம், வீட்டை விற்றோம், ஒரே கஷ்டம்: டான்ஸ் ஹீரோ உருக்கம்

ஹீரோபந்தி படம் மூலம் நடிகர் ஆனவர் டைகர் ஷ்ராஃப். பாலிவுட் நடிகர் ரித்திக் ரோஷனை அடுத்து அம்சமாக நடனம் ஆடும் திறமை கொண்டவர். தனது நடனத்தாலேயே இளம் ரசிகைகளை கவர்ந்து வருபவர்.

அவர் தனது அம்மா ஆயிஷா முதன்முதலாக இயக்கிய பூம் படம் மற்றும் தன் வாழ்வில் பட்ட கஷ்டங்கள் குறித்து பேட்டி ஒன்றில் தெரிவித்துள்ளார். வாழ்க்கை பற்றி டைகர் கூறியிருப்பதாவது,

எங்கள் வீட்டில் இருந்து ஒவ்வொரு பொருளாக விற்பனை செய்யப்பட்டது எனக்கு இன்னும் நினைவில் உள்ளது. என் அம்மா பயன்படுத்திய விளக்குகள், நான் வளர்ந்தபோது இருந்த பொருட்கள் எல்லாம் ஒவ்வொன்றாக போய்விட்டன. என் கட்டிலும் போய்விட்டது. அதன் பிறகு நான் தரையில் படுத்து தூங்கத் துவங்கினேன். அது தான் என் வாழ்வின் மோசமான நேரம். வீட்டில் நடந்ததை பார்த்து எனக்கு வேலைக்கு செல்ல வேண்டும் என்று தோன்றியது ஆனால் என்னால் என் பெற்றோருக்கு உதவ முடியவில்லை.

அந்த சமயத்தில் எங்கள் வீட்டில் கவலைாகத் தான் இருக்கும். அந்த கஷ்டத்தை பார்த்த நான், வளர்ந்து பெரிய ஆளாகி பாலிவுட்டில் எனக்கென்று ஒரு பெயர் எடுக்க வேண்டும் என்று முடிவு செய்தேன். நாங்கள் குடியிருந்த வீட்டை விற்றோம். நான் சம்பாதித்து இந்த வீட்டை மீட்டுவிடலாம் என்று என் அம்மாவிடம் வாக்குறுதி அளித்தேன். அதே போன்று சம்பாதித்து கடந்த 2017ம் ஆண்டு அந்த வீட்டை மீட்டேன் என்றார்.

ஆயிஷா இயக்கிய பூம் படம் தியேட்டர்களில் வெளியாகும் முன்பு இணையதளத்தில் கசிந்துவிட்டது. இதனால் தயாரிப்பாளர்கள் அந்த படத்தை வாங்க மறுத்தனர். அந்த சமயத்தில் டைகரின் தந்தையும், பாலிவுட் நடிகருமான டைகர் ஷ்ராஃப் தான் படத்தை வெளியிட வழிவகை செய்தார். ஆனால் படம் வந்த இடம் தெரியாமல் போய்விட்டது. அந்த படம் தோல்வி அடைந்ததால் தான் ஜாக்கி ஷ்ராஃப் மும்பை பந்த்ரா பகுதியில் தான் குடும்பத்துடன் தங்கியிருந்த 4 படுக்கை அறைகள் கொண்ட வீட்டை விற்றார்.