ஹிரித்திக் ரோஷன் - சைஃப் அலிகான் இணையும் 'விக்ரம் வேதா' இந்தி ரீமேக்: படப்பிடிப்பு துவக்கம்!

புஷ்கர் - காயத்ரி இயக்கத்தில் விஜய் சேதுபதி, மாதவன், ஷ்ரத்தா ஸ்ரீநாத், வரலட்சுமி சரத்குமார், கதிர் உள்ளிட்ட பலர் நடிப்பில் வெளியான படம் 'விக்ரம் வேதா'. சஷிகாந்த் தயாரிப்பில் வெளியான இந்தப் படம் ரசிகர்களிடம் அமோக வரவேற்பை பெற்றது. இந்நிலையில் இந்தப்படத்தின் இந்தி ரீமேக் படப்பிடிப்பு பணிகள் துவங்கியுள்ளன.

கடந்த 2017 ஆம் ஆண்டு புஷ்கர் காயத்ரி இயக்கத்தில் வெளியான விக்ரம் வேதா இந்தியளவில் மிகப்பெரிய ஹிட் அடித்தது. போலீஸ் அதிகாரியாக விக்ரம் கதாபாத்திரத்தில் மாதவனும், வில்லனாக வேதா கதாபாத்திரத்தில் வேதாவும் நடித்திருந்தனர். இவர்கள் இருவருக்கும் இடையில் நடக்கும் சதுரங்க விளையாட்டாக உருவாக்கி இருந்த இந்தப்பம் வசூல் மற்றும் விமர்சனரீதியாக பிளாக் பஸ்டர் ஹிட்டடித்தது.

'விக்ரம் வேதா' படத்தின் அனைத்து ரீமேக் உரிமைகளும் தயாரிப்பாளர் சஷிகாந்திடம்தான் உள்ளன. இந்தியில் ரிலையன்ஸ் நிறுவனத்துடன் இணைந்து, ரீமேக் தயாரிக்கும் பணிகளையும் இறங்கினார். தமிழில் இந்தப்படத்தை இயக்கிய புஷ்கர் - காயத்ரியே இந்த ரீமேக்கிலும் இயக்க ஒப்பந்தமானார்கள். இந்த படத்தின் பணிகள் நீண்ட நாட்களாக நடைபெற்றது. விஜய் சேதுபதி கதாபாத்திரத்தில் நடிக்க பலரிடம் பேச்சு வார்த்தை நடைபெற்று வந்தது.

பாலிவுட்டில் இனவெறி உச்சத்தில் உள்ளது: நவாசுதீன் சித்திக் பரபரப்பு பேட்டி!
இறுதியில் விஜய்சேதுபதி நடித்த கேங்ஸ்டர் வேதா கதாபாத்திரத்தில் பிரபல பாலிவுட் நடிகர் ஹிரித்திக் ரோஷன் நடிக்க ஒப்பந்தமானார். இந்த கதாபாத்திரம் அவருக்கு மிகவும் பிடித்து போய் படத்தை தொடங்க ஆர்வம் காட்டி வருவதாக கூறப்படுகிறது. அதேபோல் மாதவன் நடித்த கதாபாத்திரத்தில் நடிக்க நடிகர் சைஃப் அலிகான் ஒப்பந்தமாகி உள்ளார்.


இந்நிலையில் இந்தப்படத்தின் படப்பிடிப்பு இன்று விஜயதசமியை முன்னிட்டு அரபு நாடுகளில் துவங்கப்பட்டுள்ளது. இதனைத் தயாரிப்பாளர் சஷிகாந்த் தனது ட்விட்டர் பதிவில் தெரிவித்துள்ளார். அடுத்தாண்டு செப்டம்பர் 30 ஆம் தேதி இந்தப் படம் வெளியாகவுள்ளது. இந்தி ரீமேக்கிற்கும் 'விக்ரம் வேதா' என்றே தலைப்பிட்டுள்ளது குறிப்பிடத்தக்கது.