படங்களில் நடிக்காமல் இருக்க நடிகருக்கு 4 ஆண்டாக மாதம் ரூ.35 ஆயிரம் கொடுத்த இயக்குநர்

பாலிவுட் படங்களில் நடித்து வருபவர் ரந்தீப் ஹூடா. வித்தியாசமான கதாபாத்திரங்களாக தேர்வு செய்கிறார். ராம் கோபால் வர்மா இயக்கிய டி படம் மூலம் பாலிவுட்டில் அறிமுகமானார் ரந்தீப் ஹூடா. நசீருத்தீன் ஷாவின் நாடக குழுவில் வேலை செய்தபோது தான் ராம் கோபால் வர்மாவின் டி படத்தில் நடிக்கும் வாய்ப்பு ஹூடாவுக்கு கிடைத்தது. முதல் படத்திலேயே ரசிகர்களின் கவனத்தை ஈர்த்தார்.

ராம் கோபால் வர்மா பற்றி ரந்தீப் ஹூடா முன்பு பேட்டி ஒன்றில் கூறியதாவது, நசீர் பாய் எனக்கு அறிவுரை வழங்குவார். நமக்கு அறிவுரை வழங்க ஒருவர் இருப்பது முக்கியம். யார் படத்திலும் நடிக்காமல் இருக்க ராம் கோபால் வர்மா எனக்கு 4 ஆண்டுகளாக மாதம் ரூ. 35 ஆயிரம் கொடுத்தார். அதன் பிறகு எனக்கு சிறந்த படத்தை அளித்தார் என்றார்.

ரந்தீப் ஹூடா மேலும் கூறியதாவது, எனக்கு ரங் தே பசந்தி படத்தில் நடிக்க வாய்ப்பு கிடைத்தது. ஆனால் நீ ஹீரோ இல்லை, எவ்வளவு சம்பளம் தருகிறார்கள் என்று ராம் கோபால் வர்மா நிறைய சொன்னார். நிறைய பேர் அறிவுரை வழங்கினார்கள். நான் 8 படங்களில் புதுமுக இயக்குநர்களுடன் வேலை செய்திருக்கிறேன். ஒரு சமயத்தில் நான் பேப்பர் வாசிப்பதை நிறுத்தினேன். வெற்றி பெறவில்லை என்றால் வித்தியாசமாக பார்ப்பார்கள். அது தான் எனக்கு நடந்தது என்றார்.

ரந்தீப் ஹூடா தற்போது பாலிவுட்டின் வெற்றிகரமான நடிகர்களில் ஒருவராக இருக்கிறார். பல தோல்விகளை கண்ட பிறகே அவருக்கு வெற்றி கிடைத்தது. ஒரு கதாபாத்திரத்தை கொடுத்தால் அதுவாகவே மாறிவிடுவார் என்று பெயர் எடுத்திருக்கிறார் ரந்தீப் ஹூடா. அவர் கையில் தற்போது 3 இந்தி படங்கள் இருக்கிறது என்பது குறிப்பிடத்தக்கது.