பருந்தாகுது ஊர்க்குருவி படத்தின் முக்கிய அப்டேட்டை படக்குழு வெளியிட்டுள்ளது. நிஷாந்த் ரூஷோ, விவேக் பிரசன்னா ஆகிய இருவரும் இணைந்து நடித்துள்ள திரைப்படம் ‘பருந்தாகுது ஊர்க்குருவி’. இந்த படத்தை அறிமுக இயக்குனர் கோ.தனபாலன் இயக்கி வருகிறார். இதில் காயத்ரி என்பவர் கதாநாயகியாக நடிக்கிறார். இவர் மும்பை மாடல் அழகியாவார். இவர்களுடன் ராட்சசன் வினோத் சாகர், அருள் சங்கர், கோடங்கி வடிவேல், ராம்தாஸ் ஆகியோர் முக்கிய பாத்திரங்களில் நடித்துள்ளனர். ஒரே ஒரு நாளில் நடக்கும் சம்பவத்தை வைத்து சர்வைவல் திரில்லர் படமாக இப்படம் உருவாகி வருகிறது. அடந்த காட்டுக்குள் மாட்டிக்கொள்ளும் இருவர் கடைசியில் எப்படி தப்பிக்கின்றனர் என்பதுதான் முழு கதையாகும்.கடந்த சில மாதங்களுக்கு முன்பு இப்படத்தின் படப்பிடிப்பு தொடங்கி நடைபெற்று வந்தது. இந்த படப்பிடிப்பு நிறைவுபெற்ற நிலையில் தற்போது தயாரிப்பு பணிகள் விறுவிறுப்பாக நடந்து வருகிறது. இந்நிலையில் விரைவில் வெளியாகும் என அறிவிக்கப்பட்டுள்ள இப்படத்தின் டீசர் குறித்த அறிவிப்பு வெளியாகியுள்ளது. அதன்படி இப்படத்தின் டீசர் இன்று வெளியாகிறது. இதற்கான அறிவிப்பு கிளிம்ப்ஸ் வீடியோவாக வெளியிடப்பட்டுள்ளது.
Dhanapal :நிஷாந்த் ரூஷோ- விவேக் பிரசன்னா கூட்டணியில் உருவான புதிய படத்தின் முக்கிய அப்டேட் வெளியிடு…!
பருந்தாகுது ஊர்க்குருவி படத்தின் டீசர் குறித்த அறிவிப்பு வெளியாகியுள்ளது
Samayam Tamil 26 Sep 2022, 11:17 am
ஹைலைட்ஸ்:
- ஒரே ஒரு நாளில் நடக்கும் சம்பவத்தை வைத்து
- சர்வைவல் திரில்லர் படமாக இப்படம் உருவாகி வருகிறது