தூதுவிடும் 2 முன்னாள் காதலிகள்: நைசா நழுவும் ஹீரோ

தமிழ் திரையுலகின் முன்னணி நடிகர்களில் ஒருவர் அவர். ஸ்டைலான அவருக்கு ஏகப்பட்ட ரசிகர்கள் இருக்கிறார்கள். அவர் வாழ்வில் காதல், வருவதும் போவதுமாக இருக்கிறது. அவருக்கு திருமணம் செய்து வைத்து பேரன் அல்லது பேத்தியை பார்க்க பெற்றோர் ஆசைப்படுகிறார்கள்.

இந்நிலையில் நடிகரின் முன்னாள் காதலிகள் இருவர் அவருடன் மீண்டும் சேர முயற்சி செய்து வருகிறார்களாம். காதலை புதுப்பிக்கும் எண்ணத்தில் அவர்கள் நடிகருக்கு தூதுவிட்டுக் கொண்டிருக்கிறார்களாம்.

நடிகரோ அந்த இரண்டு பேரையுமே கண்டுகொள்ளவில்லை என்று கூறப்படுகிறது. அவரின் கண்கள் எல்லாம் கெரியர் மீது மட்டுமே இருக்கிறதாம். கதை கேட்டு புதுப் படங்களில் ஒப்பந்தமாவதில் மட்டும் கவனம் செலுத்தி வருகிறாராம் நடிகர்.

இதற்கிடையே நடிகரின் வீட்டில் அவருக்கு பெண் பார்த்து வருகிறார்களாம். முன்னாள் காதலிகள் தூதுவிடும் போது கூட நடிகர் இப்படி ஒதுங்கிப் போவதை பார்த்து கோடம்பாக்கத்தில் உள்ளவர்கள் ஆச்சரியப்பட்டுள்ளனர். தற்போது கோடம்பாக்கத்தில் நடிகரை பற்றி தான் பேச்சாக உள்ளது.