நடிகையை திருமணம் செய்ய விரும்பும் பிரபல நடிகர்: நடக்குமா?

திறமைக்கு வயது இல்லை என்பதை நிரூபித்துக் காட்டியவர் அந்த நடிகர். இந்த வயதில் இந்த பையனுக்கு இப்படி ஒரு திறமையா என்று பலரும் வியந்தனர்.

இப்படி பல திறமைகளை தனக்குள் வைத்திருக்கும் அந்த நடிகருக்கு இன்னும் திருமணம் ஆகவில்லை. அவருக்கு விரைவில் திருமணம் செய்து வைத்து பேரன், பேத்தியை பார்க்க ஆசைப்படுகிறார்கள் பெற்றோர். அவர்களும் தொடர்ந்து பெண் தேடுகிறார்கள். ஆனால் இதுவரை ஒன்றுமே அமையவில்லை.

இருப்பினும் மனம் தளராமல் தொடர்ந்து பெண் தேடிக் கொண்டிருக்கிறார்கள். கடவுள் நிச்சயம் நல்ல வழியை காண்பிப்பார் என்ற நம்பிக்கையில் பெண் பார்த்துக் கொண்டிருக்கிறார்கள்.

பெற்றோர் தேர்வு செய்யும் பெண்ணை மணக்க நடிகருக்கு விருப்பம் தான். இருப்பினும் அவர் ஒரு நடிகையை திருமணம் செய்ய விரும்புகிறார். அவர் விரும்புவது சரி அந்த நடிகை அதற்கு ஒப்புக் கொள்ள வேண்டுமே. நடிகர் என்னவோ அந்த அம்மணியிடம் பாசமாகத் தான் இருக்கிறார். ஆனால் அவருக்கு நடிகரை திருமணம் செய்யும் ஐடியா இருப்பதாக தெரியவில்லை என்கிறார்கள் விபரம் அறிந்தவர்கள்.

நடிகரின் வாழ்வில் நடந்த ஒரு சில சம்பவங்களால் தான் அவருக்கு பெண் கிடைப்பதில் பிரச்சனையாக உள்ளது. நடிகர் வேறு மிகவும் பிரபலமானவர் என்பதால் அவரை பற்றிய பல விஷயங்களும் பலருக்கும் தெரிந்துள்ளது.

பெண் பார்க்க செல்லும் இடத்தில் உங்க பையன் அப்படி செய்தாராமே, இப்படி செய்தாராமே என்று கூறி பெற்றோரிடம் கேள்வி மேல் கேள்வி கேட்கிறார்களாம். இதை எல்லாம் பார்த்த நடிகரோ, ஒரு கட்டத்தில் எனக்கு திருமணமே வேண்டாம் என்ற முடிவுக்கு வந்தார். ஆனால் அவரின் பெற்றோர் தான் நைசாகப் பேசி சமாதானம் செய்து நடிகரின் மனதை மாற்றியுள்ளனர்.