புதுப்பட வாய்ப்பு கிடைத்ததால் திருமணத்தை நிறுத்திய நடிகை?

பள்ளிக்கு செல்லும் வயதில் ஹீரோயின் ஆனவர் அந்த நடிகை. நடிக்க வந்தபோது வயது கம்மி என்றாலும் பார்க்க பெரிய பெண் போன்று இருந்தார். முதல் படத்திலேயே தன் நடிப்பால் அனைவரையும் தன்னைப் பற்றி பேச வைத்தார். அடுத்த படத்திலும் அசத்தினார். பார்க்க பக்கத்து வீட்டு பெண் போன்று இருப்பதாலும், நடிப்பும் செமயாக இருப்பதாலும் ரசிகர்கள் அவரை கொண்டாடினார்கள். வந்த வேகத்தில் அசுர வளர்ச்சி அடைந்தார்.

அந்த நடிகை நடித்த படங்களுக்கு ரசிகர்களிடையே நல்ல வரவேற்பு கிடைத்தது. இதை பார்த்த ஹீரோக்கள் அந்த நடிகையை தங்களுக்கு ஜோடியாக்குமாறு இயக்குநர்களிடம் பரிந்துரை செய்தார்கள். பெருசா அழகும் இல்லை, கலரும் இல்லை இவளுக்கு போய் இப்படி வாய்ப்பு வருகிறதே என்று பல கோலிவுட் நடிகைகள் வயித்தெரிச்சல் பட்டனர். நடிகை திடீர் என்று வெயிட் போட அவரின் கெரியர் அடிவாங்கியது.

வெயிட் போட்ட பிறகு பட வாய்ப்புகள் வராமல் போக நடிகை சரிதான் போங்கய்யா என்று புத்தகப்பையை தூக்கிக் கொண்டு படிக்கச் சென்றுவிட்டார். அப்படியே படிப்படியாக தனது உடல் எடையையும் குறைத்தார். போட்டோஷூட் நடத்தி புகைப்படங்களை இயக்குநர்கள், தயாரிப்பாளர்களுக்கு அனுப்பி வைத்தார். ஆனால் ஒன்றும் நடக்கவில்லை. இதை பார்த்த நடிகையின் பெற்றோர் அவருக்கு ஒரு டாக்டர் மாப்பிள்ளையை பார்த்தனர். திருமணமும் நிச்சயிக்கப்பட்டது.

நடிகைக்கு விரைவில் திருமணம் என்று கூறப்பட்ட நிலையில் அவரை தேடி பட வாய்ப்பு வந்தது. இதையடுத்து நடிகை தன் திருமணத்தை நிறுத்திவிட்டதாக கூறப்படுகிறது. மீண்டும் நடிப்பை தொடர நடிகை இப்படி ஒரு அதிரடி முடிவு எடுத்துள்ளாராம். இருப்பினும் மேலும் விபரம் அறிய பொறுத்திருக்க வேண்டியதை தவிர வேறு வழியில்லை. நடிகைக்கு பெரிதாக வயது எல்லாம் ஆகவில்லை என்பதால் திருமண திட்டத்தை கைவிட்டதாக கூறப்படுகிறது.