நம்ம கெமிஸ்ட்ரியை மறக்கலாமா?: பிரபல ஹீரோவுக்கு தூதுவிடும் நடிகை

உயரம் என்றும் சொல்ல முடியாது, பேரழகி என்றும் சொல்ல முடியாது. பார்க்க பக்கத்து வீட்டு பெண் போன்று இருப்பார் அந்த நடிகை. அவரின் ஹோம்லி லுக்கிற்காகவே ரசிகர்களுக்கு அவரை மிகவும் பிடித்தது. அந்த நடிகையின் பெயரையே சொல்லிக் கொண்டிருந்தார்கள் ரசிர்கள்.

அடடா, நமக்கு இப்படி ஒரு ரசிகர்கள் பட்டாளம் கிடைத்துவிட்டதே என்று நடிகையும் சந்தோஷப்பட்டார். ஆனால் அவரின் கெரியர் சொல்லிக்கொள்ளும்படி பிக்கப் ஆகவில்லை. நடிப்புத் திறன் இருந்தும் அவரை யாரும் கண்டுகொள்ளவில்லை.

மனதை தேற்றிக் கொண்டு தன்னை தேடி வரும் படங்களில் நடித்து வருகிறார். கவுரவத் தோற்றத்தில் வரச் சொன்னாலும் சம்மதிக்கிறார். நடிகைக்கும், ஒரு ஹீரோவுக்குமான ரீல் கெமிஸ்ட்ரி செமயாக ஒர்க்அவுட் ஆனதால் அவர்கள் சேர்ந்து நடித்த படம் சூப்பர் ஹிட்டானது.

அந்த படத்தை ரசிகர்கள் இன்றும் கொண்டாடுகிறார்கள். அதனால் அந்த நடிகருடன் மீண்டும் சேர்ந்து நடித்தால் தன் கெரியர் சூடுபிடிக்கும் என்று நினைக்கிறார் நடிகை. இதனால் அந்த பிரபல நடிகருக்கு தொடர்ந்து தூதுவிட்டுக் கொண்டிருக்கிறார்.

நடிகர் இருக்கும் நிலைக்கு அந்த நடிகையுடன் மீண்டும் சேர்ந்து நடிக்க வாய்ப்பே இல்லை என்கிறார்கள் அவருக்கு நெருக்கமானவர்கள். நடிகை தூதுவிடுவதை நடிகர் கண்டுகொள்ளவே இல்லையாம். பாருங்க, ரசிகர்கள் எல்லாம் நம் கெமிஸ்ட்ரியை மறக்காமல் இருக்கிறார்கள், நீங்கள் மட்டும் மறந்துவிட்டீர்களே என்று நடிகை பன்ச் டயலாக் எல்லாம் பேசுகிறாராம். என்ன சொன்னாலும் சரி, அந்த நடிகையுடன் சேர்ந்து மீண்டும் நடிப்பது இல்லை என்கிற முடிவில் இருக்கிறாராம் நடிகர்.

நடிகையை போன்றே அந்த நடிகருடன் சேர்ந்து நடித்த மற்றொரு நடிகையும் அவரிடம் வாய்ப்பு கேட்டுக் கொண்டிருக்கிறாராம்.