ஹீரோ 'அப்படி' சொன்னதால் வெயிட் போட்டுள்ளாரா நடிகை?

பிரபல நடிகை ஒருவர் படம் ஒன்றுக்காக தனது உடல் எடையை கூட்டினார். அதன் பிறகு அவரால் எடையை குறைக்க முடியவில்லை. இதையடுத்து வெளிநாட்டிற்கு சென்று தனது உடல் எடையை வெகுவாக குறைத்துவிட்டு வந்தார்.

அவரை பார்த்த அனைவரும் அடேங்கப்பா, இப்படி ஒல்லியாகிவிட்டாரே என்று வியந்தனர். இந்நிலையில் நடிகையை கடந்த வாரம் பார்த்தவர்கள் அதிர்ச்சி அடைந்தனர். காரணம் அவர் முன்பு போன்று வெயிட்டாக உள்ளார்.

ஒல்லியாக இருப்பதும், குண்டாக இருப்பதும் அவரவர் விருப்பம். அது புரியாமல் சிலர் நடிகையை குண்டாகிவிட்டார், ஆன்ட்டி மாதிரி இருக்கிறார் என்று விமர்சிக்கிறார்கள். இதை பார்த்த நடிகையின் ரசிகர்களோ ஒரு சூப்பர் ஸ்டாரை உடல் எடைக்காக கேவலப்படுத்துவது சரி அல்ல என்று தெரிவித்துள்ளனர். இது போன்ற ரசிகர்கள் கிடைக்க நடிகை கொடுத்து வைத்திருக்க வேண்டும்.

நடிகை ஒல்லியானபோது அது குறித்து அவரின் காதலர் என்று கிசுகிசுக்கப்படும் நடிகரிடம் கேட்கப்பட்டது. அதற்கு அவரோ, முன்பு தான் அவர் அழகாக இருந்தார், ஒல்லியான பிறகு நன்றாக இல்லை என்று தனது நட்பு வட்டாரத்திடம் தெரிவித்தார்.

ஒரு வேளை நடிகை அந்த நடிகரின் கருத்தை மனதில் வைத்து தான் அவருக்கு பிடித்தது போன்று பூசினாற் போன்று மாறிவிட்டாரோ என்ற கேள்வி எழுந்துள்ளது. ஆனால் அந்த நடிகை நடித்துள்ள படத்தில் அவர் ஒல்லியாக இருப்பது போன்று தான் தெரிகிறது.

நடிகை வேண்டும் என்றே தனது உடல் எடையை கூட்டவில்லை. பாவம், அவர் உடலில் ஏற்படும் மாற்றங்களால் அப்படி ஆகிறது என்று ரசிகர்கள் அக்கறையுடன் தெரிவித்துள்ளனர். ஹார்மோன் பிரச்சனையாகக் கூட இருக்கலாம் என்று அவர்கள் மேலும் தெரிவித்துள்ளனர்.