அப்பா வயசு ஹீரோன்னாலும் ஓகே: ரூட்டை மாற்றிய இளம் நடிகை

நடிகை ஒருவர் தயாரிப்பாளர்களின் செல்லப் பிள்ளையாகியுள்ளார். காரணம் சம்பள விஷயத்தில் பிரச்சனையே செய்வது இல்லை. கொடுக்கும் பணத்தை வாங்கிக் கொள்கிறார். அதே சமயம் இயக்குநர்களுக்கு தர்மசங்கடத்தை ஏற்படுத்துகிறார்.

காரணம், அம்மணி அப்பா வயது ஹீரோவுக்கு ஜோடியாக நடிக்க அழைத்தாலும் சந்தோஷமாக நடிக்கிறார். இளம் ஹீரோக்களுடனும் ஜோடி சேர்கிறார். அம்மணி அங்கிள் ஹீரோக்களுடன் ஜோடி சேர்வதால் அவரை இளம் நடிகர்களுடன் நடிக்க வைக்க இயக்குநர்கள் தயங்குகிறார்கள்.

வாரிசு நடிகர் ஒருவர் படத்தில் நடிக்க ஒப்புக் கொண்டார் நடிகை. அதே சமயம் அப்பா வயது ஹீரோவுக்கும் ஜோடியாக நடிக்க சம்மதம் தெரிவித்துவிட்டார். நடிகை செய்யும் இந்த காரியத்தால் அவருக்கு பட வாய்ப்புகள் பறிபோகவும் செய்கிறது. ஆனால் அவரோ அசுர வேகத்தில் வளர்ந்தே தீர்வேன் என்று ஒரு முடிவோடு இருக்கிறார்.

அங்கிள் ஹீரோக்களையும் நடிகை கவர்ந்துவிட்டார். மற்ற நடிகைகள் அந்த சீனியர் ஹீரோக்களின் வயதை காரணம் காட்டி நடிக்க மறுக்கும்போது அம்மணி மட்டும் நான் இருக்கேன் என்று நடிப்பது தான் அங்கிள்ஸை இம்பிரஸ் செய்துவிட்டதாம்.

நடிகைக்கு சீனியர்கள் பரிந்துரை செய்வதால் அம்மணியின் கெரியரும் பிக்கப் ஆகியுள்ளது. இதை பார்த்து சில நடிகைகள் அவரை பற்றி வதந்திகளை பரப்பிக் கொண்டிருக்கிறார்கள்.

அந்த வெளங்காத 3 நடிகர்களை விட்டு விலகியதால் நல்லா இருக்கேன்: நடிகை