ஒரு முறை ஓகே சொன்னது தப்பா போச்சே: கடுப்பில் நடிகை

பார்க்க பக்கத்து வீட்டு பெண் போன்று இருப்பவர் அந்த நடிகை. அண்டை மாநிலத்தை சேர்ந்த அவர், நடிக்க வந்த வேகத்தில் காதலில் விழுந்து திருமணம் செய்து கொண்டார். திருமணமான வேகத்தில் கணவரை பிரிந்துவிட்டார்.

கணவரை பிரிந்த பிறகு படங்களில் கவனம் செலுத்தி வருகிறார். அவர் நடித்த படம் ஒன்றை ரிலீஸ் செய்வதில் பண சிக்கல் ஏற்பட்டது. இதையடுத்து நடிகை தன் கை காசை போட்டு படத்தை வெளியிட்டார்.

இந்நிலையில் நடிகை நடித்திருக்கும் புதுப் படம் ஒன்றும் பிரச்சனையில் சிக்கியிருக்கிறதாம். முந்தைய படத்தை ரிலீஸ் செய்ய நடிகை உதவி செய்ததை மனதில் வைத்துக் கொண்டு, படக்குழு அவரை அணுகியதாம்.

அந்த படத்தை எல்லாம் ரிலீஸ் செய்ய பணம் கொடுத்தீர்களே, இந்த படத்திற்கும் உதவி செய்யுங்கள் மேடம் என்றார்களாம். இதை கேட்ட நடிகை, இது என்ன வம்பா போச்சு, ஒரு முறை பணம் கொடுத்தால் எல்லா படத்திற்கும் கேட்கிறார்களே என்று புலம்புகிறாராம்.