மீண்டும் காதலில் நடிகை: இந்த முறையும் நடிகர் தான்

தமிழ், மலையாளம், தெலுங்கு, கன்னட படங்களில் நடித்து வருகிறார் அண்டை மாநிலத்தை சேர்ந்த அந்த நடிகை. அவர் நடிக்க வந்து பல ஆண்டுகள் ஆகிவிட்டாலும் இன்னும் வளர்ந்து வரும் நடிகையாகவே இருக்கிறார்.

இருப்பினும் நமக்கு ஒரு நல்ல காலம் பிறக்கும் என்கிற நம்பிக்கையில் தன்னை தேடி வரும் படங்களில் நடித்துக் கொண்டிருக்கிறார். இந்நிலையில் அவர் பெரிய முதலாளி வீட்டில் தங்கினார். அங்கு தங்கியதன் மூலம் அவருக்கு நிறைய ரசிகர்கள் கிடைத்திருக்கிறார்கள்.

இந்நிலையில் நடிகை காதலர் தினத்தை கொண்டாடிய புகைப்படத்தை சமூக வலைதளத்தில் வெளியிட்டார். அதில் அவர் காதலரின் கை மட்டுமே தெரிந்தது. அவர் யார் என்று சொல்லுமாறு ரசிகர்கள் கேட்டும் நடிகை இதுவரை பதில் சொல்லவில்லை.

நடிகையுடன் சேர்ந்து அண்மையில் நடித்த நடிகரின் கை தானாம் அது. ஒன்றாக சேர்ந்து நடித்தபோது நடிகருக்கும், நடிகைக்கும் இடையே காதல் ஏற்பட்டதாம்.

முன்னதாக நடிகைக்கும், பெரிய முதலாளி வீட்டில் தங்கிய நடிகர் ஒருவருக்கும் திருமணம் நிச்சயிக்கப்பட்டது. ஆனால் திருமணம் நின்றுவிட்டது. இந்நிலையில் நடிகை மீண்டும் ஒரு நடிகரை காதலிக்கிறார்.