காசு மட்டும் கருத்தா வாங்கத் தெரியுதுல: நடிகை மீது இயக்குநர் கோபம்

சிரித்து சிரித்தே படத்தை ஓட்டுகிறார் என்று பெயர் வாங்கியவர் அந்த நடிகை. அவர் நடிப்புக்கு என்ன குறைச்சல் என்று ஒரு கூட்டமும், இத்தனை ஆண்டுகளாக இன்டஸ்ட்ரியில் இருந்தும் இன்னும் நடிக்கத் தெரியவில்லை என்று ஒரு கூட்டமும் கூறுகிறது.

கெரியர் உச்சத்தில் இருந்தபோதே காதல் திருமணம் செய்து கொண்டார். திருமணத்திற்கு பிறகும் தொடர்ந்து படங்களில் நடித்து வருகிறார். கணவர் குடும்பத்தாரும் அவருக்கு ஆதரவாக இருக்கிறார்கள்.

நடிகையின் மார்க்கெட் அடிவாங்கத் துவங்கியிருக்கிறது. இருப்பினும் அவர் சம்பளத்தை மட்டும் குறைப்பதாக இல்லை. சொல்லப் போனால் கூடுதல் சம்பளம் கேட்பதாக தயாரிப்பாளர்கள் புகார் தெரிவித்துள்ளனர்.

இந்நிலையில் இனிமேல் காதல் காட்சிகளில் நடிப்பது இல்லை என்று முடிவு செய்திருக்கிறாராம். அம்மணியிடம் கதை சொல்ல சென்ற இயக்குநரிடம், நான் டூயட்லாம் பாட மாட்டேன் என்றாராம். அதை கேட்டு அதிர்ந்த இயக்குநர் இடத்தை காலி செய்த பிறகு தனக்கு நெருக்கமானவர்களிடம் புலம்பியிருக்கிறார்.

டூயட் காட்சியில் நடிக்க மாட்டாராம், ஆனால் சம்பளம் மட்டும் ஒரு பைசா கூட குறையாமல் கேட்டு வாங்குகிறார். இது என்ன நியாயம் என்கிறாராம் இயக்குநர்.