சமத்து நடிகையின் கதியை பார்த்து பயப்படும் சர்ச்சை நடிகை?

சர்ச்சை நடிகையின் வாழ்க்கையில் காதல் வருவதும், போவதுமாக இருந்தது. இந்நிலையில் தான் அவர் அந்த இயக்குநர் மீது காதலில் விழுந்தார். இருவரும் திருமணம் செய்து கொள்ளாமல் லிவ் இன் முறைப்படி வாழ்கிறார்கள். நடிகைக்கு வயது ஏறிக் கொண்டே போவதால் அவரை விரைவில் திருமணம் செய்து கொள்ளுமாறு ரசிகர்கள் அந்த இயக்குநரிடம் கோரிக்கை விடுத்துக் கொண்டிருக்கிறார்கள்.

நடிகையும், காதலரும் கடந்த ஆண்டு இறுதி அல்லது இந்த ஆண்டின் துவக்கத்தில் திருமணம் செய்து கொள்வார்கள் என்று கூறப்பட்டது. நடிகைக்கு திருமணத்திற்கு பிறகும் தொடர்ந்து படங்களில் அதுவும் ஹீரோயினாக நடிக்க ஆசையாம். சமத்து நடிகைக்கு திருமணமான பிறகும் அவர் முன்னணி நடிகர்களுக்கு ஜோடியாக நடித்து வருகிறார். மேலும் திருமணத்திற்கு பிறகு சமத்து நடிகை பெரிய ஹிட் எல்லாம் கொடுத்தார். இதை பார்த்து தான் சர்ச்சை நடிகை திருமணத்திற்கு தயாரானாராம்.

சமத்து நடிகை போன்று தமக்கும் திருமணத்திற்கு பிறகு கெரியர் பாதிக்காது என்று நினைத்தாராம் சர்ச்சை நடிகை. ஆனால் சமத்து நடிகையின் கெரியர் போகப் போக அடி வாங்கத் துவங்கியுள்ளது. தன்னை வைத்து என்ன செய்வது என்று இயக்குநர்களுக்கு தெரியவில்லை என்கிறார் சமத்து. இதை எல்லாம் பார்த்து தான் சர்ச்சை நடிக்கைக்கு பயம் வந்துவிட்டது என்று கூறப்படுகிறது. அதனால் திருமணம் செய்து கொள்வதில் சர்சசை நடிகை அவசரப்படவில்லையாம்.

காதலர் திருமணம் பற்றி பேசினால் கூட நடிகை பிடிகொடுக்காமல் இருக்கிறாராம். திருமணமானால் கெரியர் படுத்து தூங்கிவிடும் என்று பயப்படுகிறாராம். நடித்தது எல்லாம் போதாதாம். இன்னும் நிறைய படங்களில் நடிக்க வேண்டுமாம். (அதில் தவறு எதுவும் இல்லை) அதனால் தான் காதலர் திருமணப் பேச்சை எடுத்தால் என் காது கேட்காது என்பது போன்று இருக்கிறாராம். அவரின் திருமணத்தை பார்க்க ரசிகர்கள் தான் துடிக்கிறார்கள். இந்த காதலும் தோல்வியில் முடிந்துவிடக் கூடாது என்று ரசிகர்கள் கவலைப்படுகிறார்கள்.