கோர்ட்டுக்கு போலாமா?: பிக்கப் டிராப் நடிகரை மிரட்டும் காதல் மனைவி

வாழ்றான்யா மனுஷன் என்று கோலிவுட்காரர்கள் வயித்தெரிச்சல் படும் அளவுக்கு உடன் நடித்த நடிகைகளை பிக்கப் டிராப் செய்தவர் அந்த ஹீரோ. அவர் பிரபல நடிகை ஒருவரை தான் திருமணம் செய்வார் என்று நினைத்தபோது தன்னை விட வயதில் மிகவும் குறைந்த நடன அழகி நடிகையை மணந்தார். அவர்கள் திருமணம் நடந்த அன்று நடிகரை கலாய்த்து மீம்ஸ் போட்டுத் தள்ளிவிட்டார்கள். அந்த ஹீரோவுக்கு இந்த நடிகையா, அப்படி என்றால் என் மனைவி ப்ரீ ஸ்கூல் போகிறாளா என்று 90ஸ் கிட்ஸ் கூட கலாய்த்தார்கள். யார் கண் பட்டுச்சோ, என்னவோ நடிகரின் வீட்டில் புகைய ஆரம்பித்திருக்கிறது.

திருமணம் ஆனாலும் தொடர்ந்து படங்களில் நடிப்பேன், அதற்கு சம்மதமா என்று நடன அழகி கேட்க காதல் மயக்கத்தில் இருந்த பிக்கப் டிராப் நடிகர் ஓகே சொல்லிவிட்டுத் தான் தாலி கட்டியுள்ளார். ஆனால் தற்போதோ தன்னை தவிர வேறு எந்த நடிகருடனும் ஜோடி சேர்ந்து நடிக்கக் கூடாது என்கிறாராம் நடிகர். யோவ், திருமணத்திற்கு முன்பு ஒரு மாதிரியும், இப்போ ஒரு மாதிரியும் மாத்தி, மாத்தி பேசுற என்று மனைவி கடுப்பாகிவிட்டாராம். நீ மாறலாம், ஆனால் நான் மாற மாட்டேன். நடிக்கத் தான் செய்வேன் என்கிறாராம் நடன அழகி நடிகை.

என் இஷ்டப்படி யாருடன் வேண்டுமானாலும் சேர்ந்து நடிப்பேன் அது உங்களுக்கு பிடிக்கவில்லை என்றால் நீதிமன்றத்திற்கு சென்று முறையாக பிரிந்துவிடலாம் என்கிறாராம் மனைவி. திருமணம் முடிந்த கையோடு விவாகரத்து பெற்றால் ஊரே சிரிக்கும் என்று பயந்த நடிகர் இல்லம்மா உன் இஷ்டம் போல் செய்ம்மா என்று மனைவியை சமாதானம் செய்து வைத்துள்ளாராம். மனைவி போட்ட போடில் பிக்கப் டிராப் நடிகர் பொட்டிப் பாம்பாக அடங்கிப் போயுள்ளது குறித்து தான் கோலிவுட்டில் பேசி சிரிக்கிறார்கள்.

பிக்கப் டிராப் நடிகரும் பிரபலமான ஒரு நடிகரும் அண்மையில் நெருங்கிய நண்பர்களாகிவிட்டனர். அந்த நடிகரின் சகவாசத்தால் தான் பிக்கப் டிராப் நடிகர் மனைவியை வேறு எந்த ஹீரோவுடனும் டூயட் பாட அனுமதிக்கவில்லை என்று கூறப்படுகிறது. பிக்கப் டிராப் நடிகரின் திருமணம் நிலைக்குமா என்று பேச்சு கிளம்பிய நிலையில் மனைவி இப்படி ஒரு குண்டை தூக்கிப் போட்டு நடிகரை அதிர வைத்துள்ளார். அம்மணிக்கு தற்போது கையில் புதுப்படங்கள் எதுவும் இல்லை என்பது குறிப்பிடத்தக்கது.