லூசுப் பெண்ணுக்கே இப்படியா?: சக நடிகைகள் பொறாமை

அண்டை மாநிலத்தை சேர்ந்த இளம் நடிகை ஒருவர் தமிழ், தெலுங்கு படங்களில் கவனம் செலுத்தி வருகிறார். அவ்வப்போது ஏதாவது உளறி ரசிகர்களிடம் வாங்கிக் கட்டிக் கொள்வார். அவரது சொந்த மாநிலத்தை சேர்ந்த ரசிகர்களுக்கு அவரை பிடிக்காது.

மேலும் பிரபல தயாரிப்பாளர்களின் கோபத்திற்கும் ஆளாகியுள்ளார் நடிகை. இருப்பினும் அவருக்கு தொடர்ந்து முன்னணி நடிகர்களின் படங்களில் நடிக்க வாய்ப்பு வந்து கொண்டிருக்கிறது. படத்தில் அம்மணிக்கு பெரிதாக வேலை இல்லை. ஹீரோவை சுற்றி வந்து டூயட் பாட வேண்டும் அவ்வளவு தான். ஆனால் அதற்கே அவருக்கு கோடிகளில் சம்பளம்.

இந்நிலையில் அவர் பாலிவுட் சென்றுள்ளார். அங்கு அவருக்கு பேசப்பட்டுள்ள சம்பள விபரம் அறிந்து சக நடிகைகள் பொறாமையில் இருக்கிறார்கள். லூசுப் பெண் கதாபாத்திரத்தில் தான் அவரை நடிக்க வைக்கிறார்கள். பாலிவுட்டிலும் கண்டிப்பாக அது மாதிரியான கதாபாத்திரமாகத் தான் இருக்கும். அப்படி இருக்கும்போது இத்தனை கோடி சம்பளம் ஏன் கொடுக்கிறார்கள் என்று சக நடிகைகள் குமுறுகிறார்கள்.

நடிகை தன் தனிப்பட்ட வாழ்க்கையில் நடக்கும் விஷயங்களை வேறு அவ்வப்போது சமூக வலைதளங்களில் பெருமையாக கூறுவதை பார்த்தும் நடிகைகள் வயித்தெரிச்சலில் உள்ளனர். அதிலும் அந்த நடிகை அண்மையில் செய்த காரியத்தை பார்த்து பொறாமையின் உச்சத்திற்கே பல நடிகைகள் சென்றுவிட்டனர்.

சக நடிகைகள் தன்னை பார்த்து பொறாமைப்படுவதில் நடிகைக்கு தனி சந்தோஷமாம்.