தூது விட்ட நடிகை: உடனே வாய்ப்பு கொடுத்த ஹீரோ

நல்ல கலரு, அழகானவர் அந்த நடிகை. நடிக்க வந்த வேகத்தில் அவருக்கு ரசிகர்கள் பட்டாளமே கிடைத்தது. காரணம் அவர் அழகு தான். அவர் முதுகை காட்டிய படி போஸ் கொடுத்த புகைப்படத்தை பல இளைஞர்கள் தங்கள் லேப்டாப், செல்போன்களில் வைத்துக் கொண்டு அலைந்தார்கள்.

நடிகை நடிக்க வந்த வேகத்தில் கோலிவுட்டில் மிகவும் பிரபலமானார். அவர் புதுப் பட வாய்ப்புகளை பெறுவதை பார்த்து சக நடிகைகள் எல்லாம் வயித்தெரிச்சல் அடைந்தார்கள். நடிகையின் கெரியர் சூப்பராக சென்று கொண்டிருந்தது.

அந்த நேரத்தில் நடிகையின் தனிப்பட்ட வாழ்க்கையில் ஒரு பிரச்சனை ஏற்பட்டது. இதையடுத்து அவரின் கெரியர் டல்லாக ஆரம்பித்தது. வாய்ப்புகள் குறையவே அவர் தனக்கு நெருக்கமான நடிகர் ஒருவரை நம்பி இருந்தார். அந்த நடிகர் இவருக்காக வாய்ப்புகள் வாங்கிக் கொடுத்தார். ஒரு கட்டத்தில் நடிகையை அந்த நடிகர் கைவிட்டார்.

நடிகையின் பெயர் ஒரு பிரபலத்துடன் சேர்ந்து அடிபட்டது. ஆனால் அந்த காதல் நிலைக்கவில்லை. அதன் பிறகு நடிகை வேறு ஒரு பிரபலத்தின் மீது கண் வைத்தார். அவருடன் சேரும் முயற்சியிலும் ஈடுபட்டுள்ளார். இந்நிலையில் தன்னுடன் சேர்ந்து நடித்த பெரிய இடத்து நடிகருக்கு போன் செய்து நாம மீண்டும் ஒன்னா நடிக்கலாமே என்று நைசாக வாய்ப்பு கேட்டிருக்கிறார். பெரிய இடத்து பார்ட்டியும் ஓகே சொல்லிவிட்டாராம்.

இதையடுத்து அவர்கள் இருவரும் சேர்ந்து நடிக்கவிருக்கிறார்கள். மார்க்கெட் இல்லாத நடிகைக்கு அந்த நடிகர் ஏன் தன் படத்தில் வாய்ப்பு வாங்கிக் கொடுத்தார் என்று கோடம்பாகத்தில் முணுமுணுக்கிறார்கள்.