போச்சு, எல்லாம் போச்சு: உச்ச நடிகரால் புலம்பும் பிரபல ஹீரோ

உச்ச நடிகர் அரசியலுக்கு வருகிறேன் கண்ணா என்று கடந்த மாதம் அறிவிப்பு வெளியிட்டதை கேட்டு அவரின் ரசிகர்கள் மட்டும் அல்ல திரையுலகை சேர்ந்த சிலரும் மகிழ்ச்சி அடைந்தனர். அதில் பிரபல நடிகர் ஒருவரும் உச்ச நடிகரின் அரசியல் வரவை வைத்து பெரிய கணக்கு போட்டுவிட்டார்.

உச்ச நடிகர் அரசியலுக்கு வந்தால் என்ன, என்ன செய்ய வேண்டும் என்று ஒரு லிஸ்ட் போட்டார் அந்த நடிகர். உச்ச நடிகருடன் சேர்ந்து தானும் அரசியலில் ஈடுபட முடிவு செய்தார்.

அதற்காக அவர் ஒரு பெரிய முதலீடு வேறு செய்தார். இந்நிலையில் நான் அரசியலுக்கு வரவில்லை என்று உச்ச நடிகர் கூறிவிட்டார். இதனால் அந்த பிரபல நடிகர் கவலையிலும், கடுப்பிலும் இருக்கிறாராம்.

இந்த மனுஷனை நம்பி கனவுக் கோட்டை கட்டினால், இவ்வளவு சீக்கிரத்தில் இடிந்துவிட்டதே என்று புலம்புகிறாராம். உச்ச நடிகரின் முடிவால் அந்த நடிகர் மட்டும் அல்ல நடிகை ஒருவரும் கவலையில் இருக்கிறாராம்.

உச்ச நடிகர் கட்சி துவங்குவார், அந்த கட்சியில் சேர்ந்துவிடலாம் என்று நடிகை கனவு கண்டார். அந்த கனவு புஸ்ஸாகிவிட்டது.