இந்த காதலும் போய் அந்த காதலும் போய் அம்போனு நிற்கும் நடிகை

பார்க்க பக்கத்து வீட்டு பெண் போன்று சிம்பிளான அழகு வாய்ந்தவர் அந்த நடிகை. தமிழ் தவிர்த்து பிற மொழி படங்களிலும் கவனம் செலுத்தி வருகிறார். அவர் வாரிசு நடிகர் ஒருவருடன் சேர்ந்து நடித்தபோது இருவருக்கும் இடையே காதல் வந்ததாக பேசப்பட்டது.

அதன் பிறகு நடிகை வேறு ஒரு இளம் ஹீரோவுடன் சேர்ந்து நடித்தபோது அவர்களுக்கு இடையே தனிப்பட்ட முறையில் கெமிஸ்ட்ரி ஒர்க்அவுட்டாகிவிட்டதாம். படப்பிடிப்புக்கு இடையே இருவரும் எஸ்கேப்பாகிவிட்டு திரும்பி வந்த கதை எல்லாம் நடந்தது.

அம்மணியால் இரண்டு ஹீரோக்களுக்கு இடையே பிரச்சனை வந்ததாகக் கூட தகவல் வெளியானது. அம்மணி இரண்டாவதாக காதலித்த நடிகரை திருமணம் செய்ய விரும்பினார். ஆனால் நடிகரோ என் கெரியர் பிக்கப் ஆகும் நேரத்தில் திருமணம் செய்ய முடியாது என்று கூறிவிட்டார்.

மேலும் நாம் காதலிப்பதும் யாருக்கும் தெரிய வேண்டாம் என்றாராம். தற்போது அந்த காதலும் முறிந்துவிட்டதாம். அந்த காதலும் போய், இந்த காதலும் போய் நடிகை பாவமான நிலையில் இருக்கிறாராம்.

இருப்பினும் மனம் தளர்ந்துவிடாமல் படங்களில் கவனம் செலுத்துகிறாராம். காதலில் தோல்வியும் நல்லது, இதை பார்த்து சோர்ந்துவிடக் கூடாது என்று நலம்விரும்பிகள் அம்மணிக்கு அறிவுரை வழங்கி வருகிறார்களாம்.