சேர்க்கை சரியில்லை: பெயரை கெடுத்துக் கொள்ளும் இளம் நடிகை

வாழ்க்கையில் ரொம்ப கஷ்டப்பட்டு முன்னுக்கு வந்தவர் அந்த நடிகை. தமிழ், தெலுங்கு படங்களில் தற்போது கவனம் செலுத்தி வருகிறார். செமயா நடிக்கிற கதாபாத்திரம் இருந்தால் அந்த நடிகையின் நினைப்பு தான் பல இயக்குநர்களுக்கு முதலில் வரும்.

அந்த அளவுக்கு கொடுத்த கதாபாத்திரமாகவே மாறிவிடுவார். இயக்குநருக்கு லைட்டா சந்தேகம் வந்தால் கூட என்னால் முடியும் சார் என்று நம்பிக்கையுடன் கூறி நடித்து அசர வைப்பார். அவர் ஒரு படத்தில் நடித்தார் என்றால் கண்டிப்பாக அனைவரும் அவரின் நடிப்பை பாராட்டி பேசுவார்கள்.

இப்படி நடிப்பில் ராட்சசியாக இருக்கும் அவர் தனிப்பட்ட வாழ்க்கையால் தன் பெயரை கெடுத்துக் கொண்டிருக்கிறார். அவர் பெயர் இரண்டு பேருடன் சேர்ந்து அடிபட்டது.

நடிகையுடன் நெருக்கம் காட்டியதால் அந்த இரண்டு பேரின் வீட்டிலும் பூகம்பம் வெடித்ததாக கூறப்பட்டது. நடிகை அடுத்தடுத்து சேரும் சேர்க்கை சரியில்லை என்று கோடம்பாக்கத்தில் பேசிக் கொள்கிறார்கள்.

வயதுக்கு மீறிய செயலை செய்யாமல் ஒழுங்காக நடிப்பில் மட்டும் கவனம் செலுத்தினால் அவர் திரையுலகில் நிலைத்து நிற்கலாம். இல்லை என்றால் கஷ்டம் என்கிறார்கள் கோடம்பாக்கத்து ஆட்கள்.