பிரபல நடிகருடன் மீண்டும் சேர முயற்சி செய்யும் இரண்டு முன்னாள் காதலிகள்

பல திறமைகளை தனக்குள் வைத்திருப்பவர் அந்த நடிகர். அவர் எந்த அளவுக்கு திறமைசாலியோ அந்த அளவுக்கு பிரச்சனைகளில் சிக்கிக் கொள்வார். அவர் பெயரை சொன்னால் பிரச்சனை என்று கூறும் அளவுக்கு ஏகப்பட்ட சம்பவங்கள் நடந்துவிட்டது.

இந்நிலையில் அந்த நடிகரை காதலித்த பிரபல நடிகை ஒருவர் அவருடன் மீண்டும் சேர விரும்புகிறார். நடிகரை பிரிந்த பிறகு அந்த நடிகையின் வாழ்வில் காதல் வந்து போனது. ஆனால் நிலைக்கவில்லை. இந்நிலையில் இரண்டு சர்ச்சையில் வேறு நடிகை சிக்கி பெயரை கெடுத்துக் கொண்டார்.

இதையடுத்து தான் பேசாமல் முன்னாள் காதலரான அந்த நடிகருடனேயே சேர்ந்துவிடலாம் என்று முடிவு செய்து நடிகை காய் நகர்த்தி வருகிறார். இந்நிலையில் நடிகரின் மற்றொரு முன்னாள் காதலியான நடிகையும் அவருடன் சேர விரும்புகிறாராம்.

அந்த நடிகை வேறு ஒருவரை காதலித்து வந்தார். அந்த காதல் திருமணத்தில் முடியும் என்று எதிர்பார்த்த நிலையில் யாரும் எதிர்பார்க்காத டுவிஸ்ட் வந்துவிட்டது. அதன் பிறகும் நடிகையின் வாழ்வில் காதல் வந்து பிரச்சனையில் முடிந்துவிட்டது.

காதல்கள் முறிந்த பிறகு அந்த நடிகையின் பார்வையும் முன்னாள் காதலர் மீது விழுந்துள்ளதாம். இப்படி ஒரே நேரத்தில் இரண்டு முன்னாள் காதலிகள் நடிகருடன் சேர முயற்சி செய்து கொண்டிருப்பது தான் கோலிவுட்டின் ஹாட் டாபிக் ஆகும்.