நான் அந்த படத்தில் நடிச்சிருக்கக் கூடாது: நடிகை புலம்பல்

நல்ல உயரம் அந்த நடிகை. உயரம் மட்டும் அல்ல அழகும் கூட. கொடுத்த கதாபாத்திரமாகவே மாறி நடிப்பார். ஹீரோயினுக்கு முக்கியத்துவம் உள்ள படங்களை இயக்குபவர்களுக்கு பிடித்த நடிகை அவர். அப்படி நடிப்புக்கு பெயர் போன அவர் நடித்த ஒரு படம் அண்மையில் வெளியானது.

அந்த படத்திற்கு பெரும் எதிர்பார்ப்பு இருந்தது. அதற்கு காரணம் நடிகையின் கதாபாத்திரம். ஆனால் படத்தை பார்த்தவர்கள் மனதில் அந்த கதாபாத்திரம் நிற்கவில்லை. மேலும் படம் சரியில்லை, பார்க்க பொறுமை இல்லை என்று விமர்சித்தார்கள்.

நடிகைக்கு பதில் அந்த சிரிப்பழகன் நடிகரின் கதாபாத்திரம் பற்றி தான் ரசிகர்கள் பேசினார்கள். பெரிதும் எதிர்பார்த்த படம் இப்படி புஸ்ஸாகிப் போனதால் நடிகை கவலையில் இருக்கிறாராம்.

கதை சொன்னபோது கதாபாத்திரம் நன்றாக இருந்ததே. ஆனால் திரையில் தாக்கத்தை ஏற்படுத்தவில்லை. நான் ஏன் அந்த படத்தில் நடிக்க ஒப்புக் கொண்டேன் என்று நடிகை புலம்பிக் கொண்டிருக்கிறாராம்.

நடிகை இந்த படத்திற்காக தன் எடையை வேறு குறைத்தார். ஆனால் படத்தில் அவரை பார்த்தவர்கள் பழையபடி குண்டாக இருக்கிறாரே என்று கமெண்ட் அடித்ததும் நடிகைக்கு வருத்தத்தை அளித்துள்ளதாம்.