டாடி செய்த டார்ச்சர்: வாரிசு நடிகர் படத்தில் இருந்து ஓட்டம் பிடித்த இயக்குநர்

வாரிசு நடிகர் ஒருவரின் கெரியர் ஏகத்திற்கும் அடிவாங்கியிருக்கிறது. அந்த கெரியரை பிக்கப் பண்ண வைக்கும் முயற்சியில் அப்பா இறங்கியிருக்கிறார். பாலிவுட்டில் சூப்பர் டூப்பர் ஹிட்டான படத்தின் தமிழ் ரீமேக் உரிமையை வாங்கி மகனை ஹீரோவாக நடிக்க வைக்கிறார்.

அந்த படத்தை ரீமேக் செய்ய ஒப்பந்தமான வாரிசு இயக்குநர் என்னால் முடியாது என்று கூறி கிளம்பிவிட்டார். அதன் பிறகு ஒப்பந்தமான இளம் இயக்குநரும் ஆளை விடுங்க சாமி என்று ஓடிவிட்டார்.

ரீமேக் என்று சொல்லிவிட்டு கதையை தன் இஷ்டத்திற்கு மாற்றினாராம் அப்பா. பெயருக்கு தான் தன்னை இயக்குநராக தேர்வு செய்திருக்கிறார்கள் என்பதை அந்த இளம் படைப்பாளி உணர்ந்து கொண்டார். எல்லா விஷயத்திலும் அப்பா மூக்கை நுழைக்க, அந்த இளம் இயக்குநரோ எவ்வளோ செய்யும் நீங்களே படத்தையும் இயக்கி விடுங்கள் என்று கூறி படத்தில் இருந்து விலகிவிட்டாராம்.

நல்ல வேளை, நான் தப்பித்துவிட்டேன் என்று அந்த இளம் இயக்குநர் நிம்மதி அடைந்துள்ளாராம். போங்கய்யா போங்க, நானே படத்தை இயக்குகிறேன் என்று அப்பாவே இயக்குநர் ஆகிவிட்டார்.

அப்பா செய்த காரியம் குறித்து அறிந்த ரசிகர்கள் மகனின் கெரியரை பிக்கப் செய்ய வைக்கிறேன் என்று நாசம் செய்கிறாரே என்கிறார்கள்.