நயன்தாரா புது காதலுக்கும் பிரேக்!

நயன்தாரா தற்போது தனது புது காதலுக்கும் பிரேக் கொடுத்து இருப்பதாக பரவலாக பேசப்படுகிறது.
தமிழிலும் சரி, தெலுங்கிலும் சரி அதிக சம்பளம் வாங்கும் கதாநாயகிகளில் முதலிடத்தில் இருப்பவர் நடிகை நயன்தாரா. இருந்தாலும் அவர் அவ்வப்போது காதல் சர்ச்சையில் சிக்கிக்கொண்டிருக்கிறார். இதற்கு முன்பு சிம்பு, பிரபுதேவாவுடன் கொண்ட காதலை பிரேக் செய்துகொண்டு மீண்டும் நடிப்பில் கவனம் செலுத்தி வளர்ந்து வந்தார்.
அடுத்தாக ‘நானும் ரவுடிதான்’ பட இயக்குனர் விக்னேஷ் சிவனுடன் நட்பு கொண்டார். பின்னர் இருவரும் காதலிப்பதாகவும், திருமணம் செய்யப் போவதாகவும் கோலிவுட்டில் வேகமாக தகவல் பரவி வந்தன. இருவருமே நண்பர்களாக பழகினோம் என்று விக்னேஷ் சிவன் தரப்பில் கூறப்பட்டது. அடுத்து விக்னேஷ் சிவன் இயக்கும் புதிய படத்தில் நடிக்க சம்மதித்திருக்கிறார் நயன்தாரா.
இந்நிலையில் நயன்தாராவுக்கு புதிய பட வாய்ப்புகள் குவிந்த வண்ணம் உள்ளது. ஒரு வருடம் நயனுக்கு தடை விதிக்கப்பட்டிருந்த தெலுங்கு திரையுலகிலும் அந்த தடை நீங்கியதையடுத்து சிரஞ்சீவி படத்தில் ஜோடியாக நடிக்க சான்ஸ் கிடைத்துள்ளது. இதற்காக பல கோடி சம்பளம் பேசப்பட்டிருக்கிறது. இந்நிலையில் விக்னேஷ் சிவனுடன் நயன்தாரா கொண்ட காதலுக்கு பிரேக் விடப்பட்டுள்ளதாக கோலிவுட்டில் பரபரப்பான பேச்சு உலாவுகிறது.